اعتقل وائل فى يوم ما لسبب ما
فارسلت له زوجته سوزى رساله بتقوله فيها:
جوزى الغالى---ابوعيالى---والغايب عن عينى ليالى--
-واللى انا على حالو مشندل---والمسجون فى لمان ابو زعبل
--عمرى فى يوم يا جميل ما انساك---وكيف انساك وانت مخرشم قلبى هواك-
--ياللى بطحت جماجم قلبى بالقبقاب---ياللى القلب فى حبك داب--
-كل ما ينوح على الشجرة غراب--اقول يا فقرى--بتفكرنى بصوت الاحباب--
-لما خدوك من البيت ومشيت انا اتغميت---كان نفسى اعملك فول بالزيت--
-املى فى رب القدرة تعود---هو المش بينفع ابدا من غير دود--
-نرجع تانى نجرى ونلعب زى زمان---يا نبع الحنان--ياسبع---يا صقر-
--يا نسر يا ابو قردان
والله واحشنى يا ابن الناس---نرجع نلعب تانى صلح---ةتضربنى على راسى بالفاس
--اه يا حبوب حبك خرشم قلبى--
-احدفنى يا غزال بوردة---مش هتلاقى احدف بصلة---مش هتلاقى ايس واحدف قالب طوب-
--اه يا منايا--انت الروح اللى جوايا--ام قويق اللى بتحوم على طول فى سمايا-
--متقولشى انا حلة وانت غطايا
---بعتلك حلة سلامات ---ومعاها طشتين جوبات
واخيرا الله يرعاك
امضاء سوزى
وده رد وائل عليها
-الجوزة المصونة---والجوهرة المكنونة--
-يا شجرة ---يا فلة---يا وردة---يا ضلة---يا ريحة الجلة-
--وصلنى منك احلى جواب---يا عود اللبلاب---يا كوز عناب--
-نعمه الجوزة--واحد راجل من غير شنبات
--يجمالك سبحان من صور---قلبى فى حبك واخد بشلة وخلاص اتعود--
-يا قمر يا منور---يا رغيف يامدور---يا قرد مصور-
--لو ينفع نكتب حكايتنا لاهل السيما---يا فرسة---يا مهرة--- يا احلى بهيمة-
--ايه اخبار البت ستوته---وايه اخبار الواد سفروت--
-صحيح الغربة تعبانى شويه---بس الجسم ارتاح من البرغوت-
-ماكنتش اعرف ان الاهل عزاز---لما اسيبك زى ما اكون حفيان--
-وبدوس على كسر ازاز--
-صورتك دايما جوه فى عينى---عامله فى شعرك ديل معزايه---وحطه فى راسك رتلين جاز
--يا شجرة دوم---يا نعيم بيدوم--- يا ريحة التوم
---باعتلك مقطفين سلامات
---ومعاهم شوالين جوبات
واخيرا الله يرعاكى
موضوع: اجمل رساله غراميه تحفه 
الثلاثاء مايو 11, 2010 1:47 pm
