نصائح للخطوبه

موضوع: نصائح للخطوبه السبت أبريل 17, 2010 9:55 pm

آنستي العزيزة..

لو ربنا فك عقدتك وانخطبتي .. فإليك نصائحي حتى تأخذي بخطيبك من مركب الخطوبة اللى محدش يعرف هترسى لحد فين

إلى مثوااااه الأخير في قفص النسانيس قصدي قفص الزوجية السعيد خالص .. ,,

طبعااااااااا ,, ههههههه

أجمل ما في الخطوبة العزايم الرومانسية على أحلى محلات أكل في البلد

واللي عمرك ماهتشوفيها بعد الزواج ..

... المهم ...

نصائحي لك عند أي عزومة مع ختيبك ..

قلنا رقه هاااااا....

1. الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زى الخنجر ولا من فوق طبعااا..

2. الخبز.. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى بوقك اللى فتحاه زى البلووعه ده أوعي يابوووت ..

الخبز بيتقطع بالسكينة ف الطبق .. وبعدين بتاخدي حته صغننه .. بحته صغننه .. ف بوقك الطعم ده أل يعني نفسك
مسدودة ... اضغطي على أعصابك جدااا وبعدين لما تروحي.. إبقي حشي زى ماانتى عايزه ياختى ....

3.الشوووربة أبوس كعب رجلك .. بند الشوربة مهم جداااا .. الشوربة بتنشرب من غير صوت أبدا .. ومن غير ماتقعدي تنفخي فيها.. زى صبي القهوة اللي بينفخ في الفحم للزبون.. وطبعاااااا عايزاكى تنسى تماما الطاسة اللي بتحطيها على بوقك في البيتوتلبخي نفسك ..
بالمعلقه وبدون صوت.. سخنة.. نار.. كمان بدون صوت.. وبتتركي تلت الطبق ع الأقل.. مش لازم تلهطيها لاخر نقطه يامفتريه ..

4. الرز طبعا بيتاكل بالشوكة أوعي إيدك تتمد ع المعلقة.. وتغرفي من طبق الرز وتعبي .. إوعي .. الرز بالشوكة .. وكأنك بتبوسيه.. مش بتاكليه ..

5.المكرونة .. الاسباكتي كمان بالشوكة .. بتنلف على طرف الشوكة.. لحد ما تخلص وبعدين تحطيها ف بوقك سكتم بكتم .. مش تشفطي المكرونة عود عود ..

6. السمك مشكلة .. شوفي .. بتفصلي اللحم عن الشوك . ازاااااااااااى بقه ..؟
تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ماتقلبيش السمكة.. بلاش فضايح .. شيلي السلسلة بالشوكة والسكينة وحطيها جنب الطبق وكملي أكل النص التاني .. وبدال الفيلم الهندي ده .. نصيحة..
ما تاكليش السمك اصلا.. قوليله مابحبش السمك وخلصى نفسك ..

7. الجمبري .. إذا كنتي بتعرفيه اصلا ..
أول ماطبق الجمبري بينزل.. بصي عليه بقرف واحتقار شديد .. ال يعني قرفانة من كتر أكل الجمبري الجامبو فى بيت بابااااا.. واتنهدي اوى وقولي.. كمااااان..؟؟؟
وبتروحي قاطعة راس الجمبريياية بالشوكة..
أنا ف عرضك إنسي المصمصة خااااالص ..

8. البطاطا سواء مسلوقة أو مقلية أوعي تهرسيها وترميها ع الرز ويلا هيييييييصه ..... لا.. لآ... لآ... بالشوكة قطعة قطعة وإنتى زى ما تكوني هتعيطي من كتر ما البطاطايه صعبانة عليكي ..

9. الفاكهة.. لو الفاكهة فيها بذر طلعيه من بوقك براااااحه وحطيه ف إيدك وهي مقفوله وبعدين في طفاية السجاير اللي على الطاولة دى .. أوعي ياحبيبتي من نظام التفتفة للبذر .. إنسي ....

10. ولما تخلصي أكل.. بتحطي إيدك على بطنك .. اللي عصافيرها بتتنطط من العينات والنماذج اللي أكلتيها .. وتقولي له مش معقول.. أنا عمري ما اكلت كتير كدا .. أنا قدامي أسبوع ع الاقل .. مش هآكل فيه .....

وبعدين تمسكي الفوطة اللي دايما موجودة ع الطاولة من غير لزوم.. وتبوسيها.. قال يعني بتمسحي بوقك ..

وبعدين تستأذني منه لدخول التواليت لإصلاح ماكياجك وبتدخلي التواليت وبتطلعي من الشنطة بتاعتك .. السندويتشات اللي جايباها معاكى

وبالهنا والشفااااااااااااا

واطفحى يا لواااااحظ

نصائح للخطوبه 25

ه ه ه ه ه ه
نايس توبيك

يسلام يا ولاد انا هروح اخطب دلوقتى اهوت

هههههههه جامدة ياصايع والله انا هعمل كدا بقا

هها

يالهووووووووووووووى عليك
انت بتفتح عيون العيال هما ناقصين يااواد انت
ههههههههههههههههههه
تسلم ايدك ياقمر

يلا يا ولاد

كل واحد عاوز يخطب

يجى وانا اخطوبلو

مش لما تبقى تخطب لنفسك الاول تبقى تخطب لغيرك؟

تعالوا وانا اخطبلكم انا
هجيبلكم عرسان وعرايس زى العسل

لاء يا جميله
متقالقيش

انا لو عاوز اخطب هخطب من بكره الصبح

بس اناا الى مليش مزاج

ههههههههههههههههههه
طب يلا
خلينا نفرحلك ونخلص منك

لاء مش الوقتى

» نصائح للبنات
» نصائح رمضانيه
» ثلاث نصائح لصحتك
» نصائح مهمة ومتقدمة لتقليل حجم ملف الفلاش
» نصائح للرجالة: كيف تتعامل مع البنات وتجذبهم ؟؟؟؟؟