أشهر جمل بيقولوها الأب و الأم في مصر للشباب والبنات

انت فاكرنا لاقين الفلوس ديـــ في الشارع .

ما تتكلمش بصوت عالي في الحمام .

والله ما انت فالح .. وادي دقني أهى .

ما تنميش غير لما تغسلى سنانك .

ما تلزقيش في التلفزيون كده .. نظرك هيضيع .

سلمى على خالتك كويس يا يا بن ت.

يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ...

لحد ما غرق بجد .
{ والله الواد ده اتخنق ومل من كتر ما حكوا قصة}

ربنا يرزقك بعيل يوريكى اللي ورتهوني .

ما تطلعش على الملايه النظيفه و رجليك متوسخه كده يا واد انت ما هوه لو انت اللى بتغسل كنت عرفت انا بيتهد حيلى اد ايه
ادعى عليك بايه
.

نسيت تشربى ؟ نسيت تاكل ؟ نسيت تاخدى المصروف ؟

نسيت تعكنن عليا ؟

طلع ايدك من جيبك و انت بتكلمني .

ايه الا مبالاه و الاستهتار اللي انتى

عايشه فيهم دول .

قوم اقرا لك كلمتين ينفعوك .

وطي المدعوق ده شويه يا بت .

انت فاكرنا نايمين على ودانا ؟

يا ابني انت مسطول ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمينا لما توصلى .

عيـــب ... لازم تحترمى اللي أكبر منك .

لو شفت خناقه ما لكش دعوة بيها .

لازم تأكلى سلطه .

اوعى تكدبى عليا كده تاني مرره .

اوعى حد غريب يديلك حاجه تاكليها و تشربيها و تاخديها منه اصلا .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك يا بت .

وانت فاكر احنا مستنيين منك حاجه .

المسلسل مش هينفعك ...قومى .

ما تقعدش قدام المروحه وانت مستحمي .

كفايه رغي في التليفونات هندفع الفاتوره منين هوه احنا وارثين قومى احسن اديكى بحاجه فى وشك .

بلاش وقفة الشبابيك و البلكونات المهببه دى .

اوعى تقول لحد هات لي حاجة .

كل على مهلك .. وامضغ كويس ... وما تكلش

وانت واقف .. وكل من قدامك ما تحفش .

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ... وأحيانا .. انك لا تهدي من أحببت .

صليت العصر ؟!

ما تمشيش حافي في السقعة دي

ما فيش مذاكرة على المزيكا .. أو .. بتذاكرى إزاي و
البتاع ده شغال جنبك
علشان كدا عمرك ما هتفلحى

افردى ظهرك .

ما تتأخرش بعد المدرسه و تقعد تصيع مع أصحابك .

بصى كويس و انتى بتعدي الشارع
يمين وشمال بدل ما عربيه تلهفك
{ وعلشان ميبينوش خفهم عليك}
هبقى اجيب حق الدفنه والعزاء منين.

ومالها الكتب بتاعة الوزاره
؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ مش فاهم .. متتكسفش
وروح اعمل كدا للستاذ يعنى هما اصحابك بيفهمووا احسن منك اشمعنا انت اللى مش فاهم
اقعد وابقى ذاكرها لوحدك
يمكن تشغل فرده المركوب اللى جوه دماغك دى
.
تقعدى في أول صف قدام السبوره علشان المدرسه تبقى شايفاكى .

ما تردش عليا .

مش عايزه اسمع صوت .

مالكش دعوة بالسياسة .. وماتمشيش في مظاهرات .

التهديدات المخيفة شكلا و الكارتونية مضمونا : مثل: هأقطم رقبتك أو هأقطع

ايدك أو هأقطع لك لسانك أو هأدبحك دبح
او هدب ايدى فى زماره رقبتك اكرهالك
ده BANJAMEN HANTاشهر جراح فى العالم ميعرفشى يعملها
.

و أخيرا ::

ضرب

امثلة تشجع على الكفاح و أشهرها أحد الأقارب اللي كان بيذاكر على لمبة جاز

أو على عامود النور الي في الشارع و نجح وخد الدكتوراه وسافر أمريكا
الردودددددددددددددددددد أشهر جمل بيقولوها الأب و الأم في مصر للشباب والبنات Clap_1

أشهر جمل بيقولوها الأب و الأم في مصر للشباب والبنات Clap_1

مع تحياتى

FuNKy LOVe

مشكوووووووووور فانكى نفس الكلمات الى بيقلها كل اب

» سؤال للشباب والبنات
» . دخلت الأم غرفة البنت ووجدت رسالة على السرير
» أليكسيس يغيب عن صفوف فالنسيا أربعة أشهر
» التعريب الـ 263 هو WinRAR أشهر برنامج لضغط الملفات بكل قوة و سهولة
» عيد الأم ! نبذة تاريخية ، وحكمه عند أهل العلم