ليه إذا حبيتك أكثر زدت قسوة ؟؟؟؟؟

[size=16]السلام عليكم ورحمة الله وبركاته

هذي اول روايه لي بهالمنتدى واتمنى انها تعجبكم .....

(((( ليه اذا حبيتك اكثر زدت قســــــــــوة ))))))

يووووه حست غرفتي ومالقيت الى الان بلوزتي الحمراء أمي تحت معصبه بنروح بعد شوي بيت عمي وانا لما الحين مالبست

مكياجي خلصته بس باقيلي البس ولسى مافككت لفافاتي سمعت احد يطق الباب قلت ادخل وانا خايفه تكون أمي بس فتح الباب

ودخل اخوي خالد اكبر اخواني وعمره 29سنه وهو معصب تمنيت في داخلي تكون امي ولا هو بس اففف

خالد وهو فاتح عينونه بعصبية :انتي الى الان ماخلصتي ؟؟

قلت وانا خايفه :لا ووووالله خلللصصت بسس البس

خالد وهو يعلي صوته اكثر :وش اللي خلصتي أمي تحت وخواتك كلهم تحت بعباياتهم تحت انتي ليش دايما كذا

رديت عليه بعد مالمحت بلوزتي اللي كرهتها معلقه على الشماعه : خلاص اسفه والله شوي ونازلة .

اول ماطلع خالد على طول لبست ورحت للكومدينه وفتحت لفافاتي ونزل شعري البني الغامق بحيويه على اكتافي

لمعت شفايفي بالقلوس الاحمر وتعطرت ورحت ركض تحت من بعد مااخذت عبايتي المعلقه على الشماعه

ركبت السياره وانا استنى امي تطربني كالعاده وتسمعني محاضره على التاخير بس اشوى ماقالت شي توجهنا لبيت عمي

اللي مو بعيد مره بس مسافه عشر دقايق او ربع ساعة ولما قربنا من البيت تاففت بداخلي لما تذكرت ولد عمي متعب

اتمنى من كل قلبي اني مااقابله شديد بزياده هالانسان صح انه كبير عمره تقريبا 28 بس ولو

يووه نسيت اعرفكم بنفسي انا مشاعل عمري 22 سنه وهذا اخر سمستر لي بالجامعه واتخرج انا البنت اللي قبل اخر العنقود

اكبرنا خالد اللي قلتلكم عنه بعدين طلال عمره 27 سنه ووبعدين نورة 25 وهذي متزوجه واحد اسمه عبدالله وو زايد 24

بعدين انا وبعدي رهف بثاني ثانوي

اول ماوصلنا لبيت عمي تاففت شفت متعب واقف بهيبته عند الباب ماأنكر انه له هيبه كبيييييره وانه وسييييييييييم وجسمه

رياضي وممشوق وجذاب وانه اذا جا ويانا للسوق او اي مكان عام يكون ملفت للنظر بشكل كبير وخاصه للبنات

بس هذا مايمنع انه انسان ثقيل دم ومو ديمقراطي وعنيد واللي براسه يسويه وعصبي وانا اخاف منه موت بس مستحيل ابينله

وصلنا ونزلوا خالد وامي ورهف بس انا سويت نفسي مشغوله بشي لحد مايدخل متعب لكنه جلس يسلم ويرحب فيهم

اظطريت انزل لان خالد ياشرلي اني انزل عشان يقفل السياره المههم نزلت وسمعت حسه يكلمني وكشرت بس اشوى اني متغطيه

متعب: كيف حالك يابنت العم

رديت عليه من غير نغس : الحمد لله بخير

ولاعطيته مجال يكمل دخلت على طول وشفت بنت عمي وصديقتي الصقوقه منى كبري ومعي بنفس القسم رحت لها ركض

وسلمت عليها وجلسنا نصرخ كاننا ماشفنا بعض من سنين مو كانه شايفين بعض امس بالجامعة

منى : هههههههههههههه والله اننا خبلات

مشاعل : ههههههههههههههه عادي تكت ايزي

منى : وش دخل ههههههههههه

مشاعل : مدري بس يالله بدخل اسلم على الحريم ماستحي على وجهي مخليه مرت عمي هدى ومقابله وجهك

منى : انقلعي احسن وطلعت لسانها لي فديتها والله اموت فيها هالانسانه بتضل طفله مهما كبرت

المهم دخلت عند الحريم وسلمت على مرت عمي وبنت عمي هدى هذي عمرها 25 ومتزوجه واحد اسمه محمد شوي

الا جت منى بالقهوه وجلسنا نتقهوى ونسولف

نسيت اقولكم عن عيال عمي الكبير والمعقد متعب هذا عمره 28 ويجي بعده راكان 26 وبعده هدى هذي متزوجه وعمرها

25 وبعده مشعل عمره 24 وصديق زايد الروح بالروح وأخر العنقود توأم روحي منى وهي كبري

منى بصوت واطي لي : مشاعل وش رايك لو بكره نروح السوق

رديت عليها : ايه والله انا من زمان نفسي اطلع للسوق ودي اشتري ملابس جديده للجامعة

منى : اجل خلاص نروح بس من بيودينا

مشاعل :اممم عادي اي احد المهم نروح

التفتت عليهم ام خالد :وش فيكم يابنات

مشاعل : ابد يمه بس ودنا نروح للسوق بكره وماندري من بيودينا

ام متعب: شوفوا لكم واحد من العيال ويوديكم

رهف :ايه والله من زمان عن السوق

منى : خلاص انا بكلم اخواني اليوم وبارد عليك اليوم الليل

قربت لم اذنها وهمستلها : ايه بس المهم مومتعب

منى : ههههههه حرام عليك والله ان اخوي طيب ويهبل وكل البنات يتمنونه

مشاعل : الله يهنيهم فيه

___ بعد العشاء ___
وكالعاده يجون الرجال لعند مقلط الحريم منها يسلمون البنات على عمانهم ومنها يجلسون جلسه عائليه والبنات يتغطون

يابأجله او اللي بتلبس عبايتها

بعد ماسلموا البنات على عمانهم وردوا السلام البنات على عيال عمهم والشباب على مرات عمانهم...

ابو خالد : يابنات مابقا على الاختبارات شي نبيكم تشدون حيلكم

منى: اكيد ياعمي لاتوصي حريص

رهف :بس المهم تسفرونا

ابو متعب : واحنا قد قصرنا عنكم

خالد:لا والله ياعمي ماعمركم قصرتوا الله يحفضكم

مشاعل :طيب وين ناوين تودونا هالصيف

رد المعقد وتمنيت اني ماسالت :وانتي وين ودك تروحين يابنت العم

طنشته ومارديت عليه بس اشوا ان منى ردت عشان ماتبين شي: والله ودنا نروح جده والطايف

ام خالد : ايه والله ودنا بهوا الطايف

ابو خالد :وش قلت يابو متعب

ابو متعب :شوركم وهدايه الله

والكل كان يسولف ويضحك الا انا من بعد مارد علي متعبوه وانا مالي خلق اتكلم نطت جمبي منى بدفاشه هالخبله وقالت باذني

:وش فيك هجدتي فجأه

رديت عليها بملل :اي جلسه فيها اخوك ماأطيقها

منى : ههههههههههه لو يسمعك هههههههههههه

مشاعل : خليه يسمع يعني وشو خايفه منه

منى : شوفي انكري كل شي الا انك تنكرين انك تخافين منه

مشاعل : تبيني اثبتلك اني مو خايفه منه

منى : هههههههه يالله اثبتيلي يالشجاعه

مشاعل :بتشوفين الايام جايه ...

رجعنا البيت على الساعه 2 تقريبا وانا على طول فتحت التلفزيون كان فيه مسلسل احبه وبيعيدونه فصخت عباتي ورميتها

جمبي وجبت الخداديه وتوني باحط راسي الا

خالد :خير ان شاء الله مو شايفه الوقت

رهف من وراه : ايه والله لو انه انا كان سكرتوا التلفزيون وقلتوا لاتسهرين

خالد من غير مايناظرها : رهف على غرفتك

وماشفت الا غبارها هالجبانه

مشاعل : طيب بس شوي فيه مسلسل احبه والحين بيعيدونه

خالد بصوت واطي : من غير نقاش سكري التلفزين وعلى سريرك

تأففت وانا اقوله : ان شاء الله

خذيت عباتي وسكرت التلفزيون ولما كنت على الدرج دقت علي منى :الو

مشاعل :اهلين مانمتي

منى: الا الحين بنام بس دقيت اقولك خليك بكره جاهزه بعد الغدا عشان السوق

طقيت راسي على هالنسوه : اييييييه اشوا انك ذكرتيني طيب من بيودينا

منى : انا بقول لمشعل وان شاء الله مابيقول لا

ارتعت لما طلع بوجهي زايد : من تكلمين

مشاعل : بسم الله انت من وين طلعت

زايد : طلعت من غرفتي يعني من وين

مشاعل :هاهاها بايخه

زايد : المهم من تكلمين بس بس عرفت منى ماغيرها

مشاعل (بصوت واطي تبي تحرج منى ): ايه حبيبه القلب لازم بتعرفها

منى على السماعه : يالحقيييييييييييييييره

مشاعل : ههههههههههههه يالبى قلب بنت عمي تستحي

زايد طق راسي :وليش تبغينها ماتستحي زيك

قلتله وانا اضحك : ههههههههه ايه طلع طلع المشاعر

زايد: الحمد لله والشكرعلى العقل بس

وبعد ماراح زايد رديت على منى : الو

منى : اوكي بس الاحراج اللي سويتيه لي قبل شوي والله ماراح امرره على خير

مشاعل : ههههههاااااي اعلى مافي خيلك اركبيه ياحلوه

منى : تيب جنيتي على نفسك مع السلامه

مشاعل : مع السلامه

ثاني يوم اتفقنا اننا انا ورهف نروح مع زايد ومنى بتجي مع مشعل لان الشباب كانوا اصلا يبون يتمشون

__ ثاني يوم انا ورهف كنا بسياره زايد ___

وبعد ماوصلنا ونزلنا كنا بندخل السوق دق جوال زايد وكان مشعل والظاهر انهم وصلوا بعد التفتنا صاروا ورانا ابتسمت

لمنى بس على طول تلاشت ابتسامتى لما شفت متعب

طقيت منى على ذراعها : هذا وش جابه

منى بأستهبال : مين ؟؟؟

مشاعل بعصبيه : بلا أستهبال وش جابه

منى : احم احم انتي مو قلتي اعلى مافي خيلك اركبيه شفت اخوي مسكين جالس لوحده فأقنعته يجي بس رفض

لكن اول ماقلتله انك معنا فز واقف وقال غيرت رايي بجي هههههههههههههههه

مشاعل : طيب يامنوه انا أوريك

التفتنا على زايد اللي معصب : يالله انتوا مو ناوين تدخلون

لحقناهم وانا ودي أرجع للبيت بس افففف منها منى المهم قلت لهم :اقول ليش انتوا ماتجلسون بكفي ولا شي لحد مانخلص

رد المعقد اف منه مابيه يرد علي :لا بنتمشى معكم احسن وعشان بعد مااحد يتحرش فيكم الييوم السوق فيه شباب كثير

اف ماقلتلكم معقد :والله عاد احنا ساترين اعمارنا ولا لبسنا عبايه ضيقه ولا لثمه

متعب:حتى ولو الهم يالله أمشوا

كنت امشي معهم بس شفت فستان عجبني حيييل فوقفت أشوفه ونسيتهم حسيت ان احد معلقققق فيني

فلما شفته كان واحد ماسك جواله ويأشر انا مت خوف والتفت ادور اللي كانوا معي وماحصلتهم فطلعت جوالي وسويت

نفسي أكلم عشان مايتجرا دقيت على منى وماردت التفت اشوف الشاب وحصلته قرب مني اكثر اوووووف وش اسوي
سمعته يتكلم : طيب عطينا وجه

سفهته ولا كاني اسمعه

قرب اكثر وعلا صوته : طيب سجلي الرقم اذا كان بلوتوثك خربان

حسيت انه قرييب مني كثير التفت بروح وطاحت عيوني بعيون (متعب) تدرون وش كنت باسوي كنت باركض واتخبى

واحتمي بظهر الشاب عنه أدري بتقولون مبالغه بس انتوا لسا ماعرفتوا متعب

وقفت مكاني ولا تحركت ولا سانتي وصرت اتلفت ادور زايد بعيوني ....

هذا البارت الاول واتمنى انه يعجبكم مع انه مجرد تعريف بالشخصيات لا اكثر واتمنى ردوكم الحلوه عشان اتحمس واكمل
[/size]

توبيك مميز والله

مرسى يا برنسيسة على المرور

وانا فى انتظار المزيد

» والله حبيتك ..
» مش ذنبى انى حبيتك ؟؟؟
» غلطة عمري اني حبيتك
» غلطة العمر انى حبيتك ؟
» حبيتك ومش من حقي