قصة حزينة جدا جدا وممتعة

**** قصه واقعيه **** صديقتان حميمتان..لمى وسارة..بدأت صداقتهما منذ الطفولة في المرحلة الابتدائية..كانو يشبهون بعضإلا إن وحده فيهم سمينه شوي والثانية عصى.. كان شكلهم يضحك وهم ماسكات بعض ويتمشون في ساحات المدرسة..نفس موديل المريول نفس الشنط..ونفس تسريحة الشعر. إلا إن لمى ببنيتها الممتلئة وشعرها المموج كانت تظهر بأنها الأخت الكبرى لسارة ذات الجسم النحيل وشعرها الناعم ذو الخصلات الدائمة التناثر على وجهها. استمرت هذه الصداقة مع مرور الأيام.. وكبرت البنتان ووصلتا للمرحلة المتوسطة..وبدأ أول يوم دراسي بالمريول الكحلي...جاءت سارة مبكرة للمدرسة من شدة الحماس.. سارة: يا ربي متى تجي لمى؟ خايفه ادخل لحالي. وكانت سارة تتأمل كل طالبه ومعلمه تدخل من بوابة المدرسة. وتقول في نفسها.... ياألله كل هالبنات ... وبعدين كلهم كبار أناأصغر وحده يعني؟ ماعجبها الوضع أبداً.. يا زين مدرسة الابتدائي. فجأه قطع تفكيرها منظر بنت دخلت من الباب مرتبكة. كانت ترتدي شنطتها على ظهرها فوق العباه وتدخل ثم تدوس طرف العباه وتسقط على وجهها. تنظر إليها سارة بتعجب.. تلتفت إليها البنت وتصرخ. سارة بدل ماتتفرجين علي تعالي ساعديني..الله ياخذ اللي اخترع عباية الراس هذي..لمى !!تسرع سارة تقومها وتفصخ عبايتها ويمسكون يدين بعض ويركضون لمكان الطوابير ويحجزون أول صف. ومرة المرحلة المتوسطة وتلتها الثانوية بسرعة البرق وكانت تحمل في طياتها أسمى معاني الصداقة...وكثير من المواقف السعيدة جدا والتعيسة في نظرهم.وجاءت النقطة الحاسمة وبدأ تحديد المصير...إنها الجامعة....وبعد تخطي مرحلة التسجيل بسلام. بدأ الاستعداد لأول يوم دراسي..ولهذه الحياة المختلفة..ولهذا العالم الغامض..بدأت الدراسة وبدأت سارة و لمى في خوض الحياة الحقيقية والانسلاخ من حياة الطفولة. فقدوصلتا لمرحلة النضج الآن وكل واحده منهم مسؤله عن نفسها.لمى أصبحت أجمل فقد قصت شعرها بأطوال مختلفة وتناسب ذالك جدا مع شكل وجهها الدائري الممتلئ وجسمها الغير نحيف...أما سارة فقد أصبحت غاية في الجمال بشعرها الناعم البني المنسدلعلى كتفيها بطول متساوي وتلك العينان العسليتان مع بشرتها البيضاءوقوامها الممشوق..كانت أشبه بالممثلات الأمريكيات. *****بداية القصة المؤلمة هنا***** مرت الأيام واستمرت الصديقتان معاً بالإضافة إلى صداقات عده جديدة.فالجميع كان يحاول التقرب لسارة لشدة جمالها وجاذبيتها.ومع مرور الأيام لاحظت لمى التغير التدريجي لسارة سواء في التعامل أو في المستوى الدراسي الذي بدأ في التدني بشكل ملحوظ أو في الحالة النفسية والمزاج السيئ....حاولت لمى جاهده لمعرفة الأسباب فصديقتها لا تخفي عنها أمراً ولكن هذه المرة فقد أخفت عنها أمراً غير حياتها. مرت الأيام ووضع سارة يتدنى أكثر وأكثر..أصبحت وحيده .. منطوية .. غامضة .. علامات الحزن عليها تكاد تقتل صديقتها وأهلها. بكت لمى وتأثرت..لمى:سارة تكفين قوليلي اشفيك ايش اللي قلب حالك كذا.حبيبتي قوليلي انا لمى صديقتك إذا في شي أنا بوقف معك.سارة: ...لمى:سارة الله يخليك قولي شي . شوفي كيف عدمتي نفسك شوفي وجهك وعيونك كيف صاروا.تتجمع الدموع في عيون سارة وتضم صديقتها بكل قوه وتهمس في إذنها وقد خنقت صوتها العبره..سارة:أنا تعبانه يا لمى تعبانه.لمى: تعبانه؟ اشفيك قولي. قامت سارة وأخذت اغراضها وراحت. مر يومين ماجت سارة للجامعة. تحاوللمى تدق عالبيت محد يرد وجوالها مقفل. خافت وقامت تدور في البيت بدون وعي ما تدري ايش تسوي وكيف تطمن على سارة.كلمت أبوها وراحت لبيت سارة.. ما كان في أحد في البيت.وزاد خوفها..رجعت للبيت وقامت تدور على رقم بنت عم سارة كان مكتوب في ورقه عندها. ييييييس هذا هو رقم ريم بنت عم سارة. لمى:الوريم:الو،آهلينلمى:اهلين ريم كيفك؟ريم:هلا والله تمام.مين معي؟لمى:انا لمى.ريم:لمى؟ مين لمى؟.آها لمو صديقة سارة أهليييين عرفتك كيفك يادبه؟لمى:تمام حبيبتي بغيت أسألك عن سارة صار لي كم يوم ماأدري عنها دقيت على بيتهم وعلى جوالاتهم كلها محد يرد.ريم: ليه انتي مادريتي؟خافت لمى وانقبض قلبها.ريم: اتوفت جدتها من يومين.أخذت لمى نفس عميق وحمدت ربها إن سارة ما فيها شي. راحت لبيت جدة سارة وعزتها وكانت سارة متأثرة مره لأنها كانت متعلقة كثيرا بجدتهاوكانت اقرب لها حتى من أمها حيث أن أمها كانت قاسيه شوي عليها.وبموت جدتها زادت وحدة سارة بها الدنيا وزاد حزنها. لمى تفوقت على سارة في الدراسةوسبقتها في المستويات وسارة...محلك سر..تاخذ الترم بترمين. بعد ماكانت من المتفوقات في المدرسة.ومرت الأيام وسارة تذبل يوم بعد يوم.ولمى تحاول تعرف.وجااليوم اللي تنتظره لمى.جت ساره لبيت لمى في يوم خميس.جلست لمى جنب سارة وقالت.لمى:سارة شوفي اليوم ماراح تطلعين من هنا لما اتقوليلي سالفتك كاملة.ساره: سالفتي طويله وماعندنا وقت.لمى: ماعليك عندنا وقت.ساره: قصتي بدت من سنه لما دق على جوالي واحد حيوان يبي يتعرف.كنت اقفل في وجهه واطنش. واستمر فتره يدق ويرسل. قفلت جوالي فتره وأول مافتحته رجع يدق ويرسل رسايل حب وغرام.لمى:وبعدين..ساره:وبعدين ياطويلة العمر قلت لأبوي عن السالفة ورد عليه وهزأه.وقام الرجال يتأسف من الوالد ووعده انه مايدق. صدق ابويواناصدقت وقلت الحمد لله افتكيت منه.مرت يومين مادق وفي اليوم الثالث أرسل رساله. مكتوب فيها....{ياساره يابنت خالد ال؟؟؟ لاتحسبيني خفت من تهديد ابوك اللي مايسوى جزمتي وحسابي معك إنشاء لله عسير ولو سويتيها مره ثانيه وعلمتيه بورطك وبقول اني اعرفك.ومثل ماطلعت اسمك كامل وعرفت كل شي عنك أقدر أوديك في ستين داهيه انتي وابوك}خفت بصراحة كيف عرف اسمي خصوصا الجوال مو بإسمي وايش يبي مني بالضبط يعني أول مره احد ينشب بهالشكل بالعاده لماأحد يزعج اقفل في وجهه كم مره يملون وماعاد يدقونوقررت أغير رقمي وأرتاح.كلمت ابوي يغيرلي رقمي وتحججت اني ابي شريحة سوا أحسن من الفواتير.غيرت الرقم.وبعد أسبوع أرسل رسالة على رقمي الجديد. {طيب يا ساره يعني تبين تتحدين؟}أنا حسيت لما شفت الرقم كأن أحد كب على راسي مويا مغليه.لمى:الحيوان كيف جاب رقمك الثاني؟ساره: نفس سؤالك كان يدور براسي والسؤال الأهم ايش يبي بالضبط؟قمت وأرسلتله رساله وياليتني ماأرسلت . كتبت فيها {انت مين وايش تبغى مني وليه تسوي كل هذا؟ احد مسلطك علي}رد {أنا محد يتحداني وانتي اتحديتيني ودام انك مارضيتي بالطيب نجيبك بالقوه}رميت الجوال وصحت حسيت اني في فلم او يمكن حلم مزعج.. اناعمري ماأذيت أحد بحياتيليه يصيرلي كذا وايش الذنب اللي سويته عشان استاهل كل هذا.قررت أقفل جوالي وماافتحه لمدة شهر.وفعلاً قفلته. بعد اربع ايام بالضبط رن جرس بيتنا في وقت متأخر يوم فتحت الشغاله الباب مالقت أحد ولقت كيس فيه أغراض وورقه مكتوب فيها أغراض خاصه لساره.جابت الكيس وعطتني استغربت مين ارسلي هالكيس وايش اللي فيه؟ لقيتفيه دفتر وجنبه علبه صغيره.فتحت الدفتر لقيت مكتوب فيه كل المعلومات عني وعن أهلي ومكتوب في الصفحه الأخيره. {اناحطيتك براسي ياساره.. انالما احط براسي شي لازم اوصله مهما يصير..اعتبريه تهديد.. وترا لوقفلتي جوالك مايهمني فيه مليون طريقه اوصلك فيها.. ومثل ماوصلت لبيتكم أقدر أوصل لغرفتك واسحبك قدام أهلك لوأبي..وشوفي العلبه هذي ترى فيهاهديه لك.. فيهاحبوب ..حبوب مخدرات يعني لاتستغربين..هذي الحبوب لوأبلغ الحين الشرطه انمسك ابوك وانسجن عشر سنين عالأقل.. ولوقهرتيني زياده حبه وحده احطها بسيارة ابوك ويروح فيها...افتحي جوالك وردي علي } اخذت العلبه ورحت ركض رميتها بالشارع. ورجعت ارتجف لغرفتي وتلحفت من الخوف احس قلبي بيطلع. طحت بيدين مجرمين يالمى.فتحت جوالي إلاوهو يدق.رديتانا: نعم--:هلاانا:نعم اش تبي مني انت.--:لاتتحدينيانا: اتحداك بإيش اصلاً ايش يعرفني فيك عشان اتحداك.ساره: ....لمى:اشفيك سكتي كملي وبعدين ايش قال؟سالت دموع ساره بحرقه.لمى: ايه كملي.ساره:بعدين صار كل يوم يكلمني تحت التهديد. وكنت احياناً أصيح واناأكلمه وأترجاه يبعد عني ويتركني في حالي لأني بنت ناس ومالي في هالخرابيط. كان يقول لي أما أكلمه وإلايسبب لي فضايح ويرسل إسمي مع رقمي بالبلوتوث ويورط ابوي في قضية مخدرات. فماكان قدامي إلا اني أكلمه وأسايره عشان أسلم من شره.ومرت ايام وأيام وفي يوم قال ابي أعرفك على اصحابي. طبعاً رفضت بقوه وقبل ماأتصرف أي تصرف قطع كلاميوقال:شكلك مستغنيه عن أبوك. سكت أنا.وقال:هاه ايش رايك؟قلت:طيب.ومرت أيام وعرفني على اصحابه الإثنين وصاروا يكلموني في أي وقتوبعد كل كم يوم يذكروني بالتهديد اللي علمهم عليه الراس الكبيره.وبعد فتره ماهي طويله..نزلت دموع ساره مع هذه الكلمه.ساره: طلبوا مني اطلع معهم لشقه مستأجرها لهم صاحبهم اللي عرفهم علي كانت شقق عوايل لكن صاحبهم بسبب كثرة معارفه قدر يستأجرها لهم ويسكنهم فيها وهم عزاب.ومع الضغط والتهديد ووعودهم لي انهم بعدها بيتركوني ولاراح يضرونيأبد. وان طلعتي هذي معهم بتكون قصيره مره وانهم بيحافظون علي مثل أختهم.وإنهم ماراح توصل فيهم النذاله انهم يسوون فيني شي واناماضريتهم.اناصدقتهم وقلت اني بسوي اي شي وأفتك منهم.وكلهانص ساعه وترجع حياتي مثل أول وارتاح من تهديدات هالمجرمين..طلعت في يوم من الأيام كأني بروح الجامعه وخليت السواق يوصلني للشقق كانت في حي المروج قريبه من محل حيوانات أليفه أسمه{الحيوان المدلل} اسمها{مسار نجد}المهم نزلت وقلبي بينفجر من الخوف وفي نفس الوقت قهر. خوف لا يمر أحد ويعرف سيارتنا وقهر اني أنا البنت الشريفه العفيفه اللي سمعتي مثل الحليب أجي برجليني للمكان هذا.؟لكن حسبي الله ونعم الوكيل.وصلت لباب الشقه وترددت كثير قبل أضغط الجرس.فتح لي واحد منهم ودخلني وكان البيت مايطمن ابداً.. جلست دقيقه وقلت خلاص استأذن أنا.قال: وين ياحلوه بدري.عاد انا مصدقه: لا بس ماأبي أتأخر.قال: اقول استريحي اخوياي جاين.قلت: وينهم تأخروا مواتفقنا تكونون هنا الثلاثه وتشوفوني واطلع بسرعه؟قال: راحو مشوار وتلقينهم عند الباب الحين.انتظرت شوي وقمت وأخذت شنطتي.وقلت: أنا ماشيه.قام وسبقني عالباب وقفل بالمفتاح.وقال: خليك عاقله واقعدي لين يجون مافي طلعه.قلت: لوسمحت افتح لي الباب ابي أطلع. يهز براسه..لا.ويقول:دخول الحمام مش زي خروجه.ويضحك باستهزاء.قعدت عالكرسي أرتجف من الخوف بس ماأبيه يحس بخوفي منه.وجلست ألف بنظري في الشقه أشياء غريبه والأغرب كمية اشرطة الفيديو الكثيره المتناثره في كل مكان. وكراتين ماادري ايش داخلها والبيت مبهذل بالمره اللي يشوفه يقول عمره ماأحد نظفه أبد.رن الجرس ووقفت أنا.قال: وين رايحه اجلسي هنا لاتتحركين وهاتي الشنطه.رديت:أي شنطه؟قال: لاتستهبلين شنطتك ماني غبي داري ان جوالك فيها.سحب شنطتي بقوه وقفل علي باب الغرفه وطلع.حسيت اني في وضع المخطوفه.بس أملي كبير ان اصحابه لمايجون يشوفوني واطلع هم وعدوني بكذا.وقطع تفكيري صوت الثلاثه وهم يتكلمون.00: بشر جت؟==: ايه جتجالسه داخل بالغرفه..والله ياهي قمر ماتوقعتها كذا.--: عاد أناعرفتكم عليها خلوني ابدا فيها أنا.00: ابدا فيها بس خلص بسرعه.==:والله انا اللي استقبلتها وماسويت شي لين تجون والحين صرت أنا الأخير؟--: والله تستاهل خلاص ابدا انت الأول. أنا عاد فهمت وش قاعدين يتفقون عليه. قمت أصيح وأصارخ ابيهم يفتحونلي الباب. وبعد شوي فتح واحد منهم الباب ودخل علي.وقال: ياوجه الللللللله من وين جبتي هالجمال كله وش هالشعر؟ وش هالعيون؟ وش هالجسم؟انابحلم والا بعلم.رجعت لورا وكنت ابكي..رجعت الين لزقت بالجدار وكنت أرجف من الخوف.ودخلو اصحابه الباقين وكان معهم قوارير الظاهر انها خمر.قمت أصيح بصوت عالي وأترجاهم وأبوس رجلينهم عشان يطلعوني.ويوم شفت مافي أمل..ركضت لأقرب زاويه وسجدت لربي وقعدت أصلي وأدعي وهم يجهزون خمرهم وسجايرهمويتساسرون وراي ويهمسون لبعض مستغربين من اللي أسويه.وأنا أصلي وأصلي وأدعي ربي ينجيني من يدينهم ويسترني بستره ويستر عرضي..كنت اقول:يارب احميني واستر علي موعشاني عشان أمي المريضه وعشانابوي الطيب وأخواتي المسكينات ايش ذنبهم تتشوه سمعتهم بسببي.والايارب خذني بهااللحظه طاهره قبل لاينجسوني بيدينهم. لمى انفجرت عيناها بالبكاء لهول ماتسمع.لمى: كملي ياساره كملي ايش سوو فيك.ساره: ايش اكمل يالمى.. ايش اقول مارحموا ضعفي قدامهم ولا وفوابوعودهم معي..وأخذوا شرفي ببلاش اخذوه مني يالمى بشراسه كنت أصرخبأقوى ماعندي وأحاول اني اخلص نفسي منهم لكن كانوا ثلاثه يالمىواغتصبوني الثلاثه الين غبت عن الوعي ولادريت عن اللي حولي. وبعدساعات ماأدري كم هي صحيت لقيت نفسي انزف ومرميه على الأرض وسط دميوملابسي جنبي .. كنت أرجف بقوه ودموعي تنزل غصب عني وصوتي مبحوح منالصراخ حاولت اسند نفسي وكنت أتأوه مع كل حركه من الألم اللي حاسه فيه. ياحسرتي على نفسي ياحسرتي على شبابي اللي ضاع.ياحبيبي يبه سامحني لأني ماحافظت على كرامتك واسمك.سامحني لانينزلت راسك المرفوع.انت ماتستاهل بنت مثلي..ليت ربي أخذني من زمان ليتني ماجيت لهاالدنيا ابد.حاولت اقوم بصعوبه لبست ملابسي وعباتي ومشيت مكسوره ولقيت واحدمنهم كان سكران وجالس والباقين مدري وينهم.سألني: على وين؟جاوبت بصوتي المبحوحوقلت: اخذتوا أغلى ماأملك ومابقى لي شي خلوني أمشي.رمى لي شنطتي عالأرض عند رجله وأمرني أركع وآخذها ركعت وأخذتهاوداس برجله على يدي و قال: لماأحط شي براسي أوصله مفهووووم.وضحك بصوت عالي ومسكني من شعري وفتح الباب ورماني عالأرض على ظهري وزاد عندي النزيف بسبب الطيحه وقفل الباب.نزلت اسحب نفسي لقيتالسواق ينتظرني رجعت البيت وكانت الساعه 12 ونمت وعانيت من النزيف3 ايام ومرضت وعانيت آلام والتهابات شديده.وكان عذري قدام أهليانها الدوره الشهريه.بس انها شديده هالمره وتعبتني.خفت من الفضيحه لما أروح المستشفى خفت على امي وابوي. وسكت عن الموضوع.حسبي الله على كل ظالم..يالمى الكلام هذا سر بيننا لين أموت وإذا مت وقتها قولي للي تبين.لمى: بعد عمر طويل انشالله الله يخليك لنفسك ولأهلك ولي كلنا نبيكونحبك والناس هذول والله بياخذون جزاهم من ربك. اناأقدر ابلغ عنهموأوديهم بداهيه بس ماأبيك تنفضحين بالمحاكم.ساره: لايالمى تكفين استري علي ماأبي فضايح انا وكلت امري لله.لمى: لاحبيبتي لاتخافين انامستحيل اسوي شي فيه مضره لك. وبالنسبهلك الطب تطور وكل شي يتصلح.وبتتزوجين وتخلفين على قول المصريين دستة عيال.ساره: أهم شي ابي توأم ساره ولمى..ههههه.لمى: وتجيبين ساره ولمى بعد. كملو لمى وساره سهرتهم مع بعض ولمى تحاول انها تنسي ساره اللي صاروتحاول تحسسها انها بتبقى صديقتها مهماصار وان نظرتها لساره ماراح تتغير لأنها واثقه فيهاوفي تربيتها وفهمتها ان ربي يمهل ولايهمل وأكيد ماراح يتركهم طال الزمن والا قصر. راحت ساره لبيتها وهي مرتاحه لأنها فضفضت لصديقة عمرها.وللأسف شهرين بس مرت بعد جمعت ساره ولمى في بيت لمى. وصار حادثمروري مروع في طريق الجامعه حمل معاه روح أطهر انسانه في الوجود..وتوفت ساره وتركت هذي الدنيا باللي فيها.. تركت حلوها ومرها .. تركت أهلها وكل من يحبها.. تركت للمجرمين عذاب الضمير..تركت سرها.. تركت حزن الدنيا في قلوب من حولها.رحلت كفراشه تفرد جناحيها في السماء وكأنها تقول.. عفوآ لن أستطيعالعيش في دنياكم.. فبياض قلبي وطهارته لاتحتمل شروركم ومكركم.بكت على رحيلها القلوب قبل الأعين.. فقد جملها الله من الداخل والخارج..لقد كانت ساره تستحق ان ترى جمال الدنيا وروعتها ولكن الدنيا أرتهاجميع انواع الألم.. ألم الظلم .. ألم الذل من أحقر البشر.. ألم الحرقه..سلبت منها الدنيا كل شيئ ..بهكذا رحلت الرحيل الذي تقفل بعده كل الأبواب.. رحلت لحياة أفضل.وداعآ ياساره يامن حملتي سرآ أعيا قلبكالطاهر.. ارقدي بسلام ياساره اطمئني يااقرب صديقاتي.. فلن يضيع حقكابدآ.. اسمحي لي الآن أن انشر قصتك لجميع البشر.. حتى يشعر كل منقرأها بجزء مماشعرتي به من عذاب.اليكم هذه القصه .. اسردها عليكم أنا صديقتها لمى.والله شهيد على صدق ماأقول.ارجو من كل من قرأها يساعد على نشرها وفضح هؤلاء السفله. ارجو النشرحتى تصل لأيدي المسؤولين ويمسكونهم..لأني خفت أبلغ عنهم ويصير مصيري مثل ساره.فماكان اقدر اسوي إلا الطريقه هذي..فانشروها حتى تصل لمن يأخذ حق هذه المسكينه. من مجرمين مخدرات..وخمر وحشيش.. ولعب بأعراض الناس

__________________

ماشى اخوى مشكور

» قصة حزينة حزينة قصة عن ولد يبيع امة ب 4000ريال
» قصة حزينة جداااااااااااااااااااا
» قصة حزينة جداااااااااااااااااااااااااااااااااااااااااا
» قصة حب حزينة جدااااااااااااااااااااااااااا
» قصة حب حزينة جدا جدا