أحبه حب لو يدري عن اللي بخافقي من بوح نسى كل الزعل وأرخص حياته دون حرماني / روايتي ال

مراحب
بعد روايتي الاولى هوى قلبي
قررت انزل هذي الروايه لعيون ناس غاليه ..



*التعريف بالشخصيات*


الجد عبدالعزيز
عنده بنتين و 3 شباب
وجهه سموح وفيه طيبة وصمود ..قوه و تحدي
بس بداخله حزن ما يعلم فيه غير رب العالمين
دموعه تحاكي خده باخر الليل فقد اغلى الناس على قلبه بيوم واحد
ولده اللي كان يحبه ويحب تصرفاته وحكمته
و زوجته و رفيقته دربه اللي تحملت ظلم اهله و كلامهم عليها


=بيت ابو عبدالعزيز=
عنده 3 بنات و ولد واحد وطبعا ربي ما ارزقه من البدايه بالعيال
*روان* البنت الكبيره بـ سنه رابعه جامعه مملوحه بس مو مثل خواتها ملفوفة الجسم و طولها حلو كل همها دراستها ومستقبلها و تحب الوحده شويتين
*ريناد* البنت الوسطى بـ ثاني جامعه ربي عطاها جمال كل اللي يشوفونها يحسدونها عليه فيها جاذبيه بكل شي حتى بنظرة عيونها ..متواضعه إلى ابعد حد رومنسيه و تساعد الكل طيبتها تخلي غيرها يستغفلها رغم إنها تنحط على الجرح يبرى
*روند* البنت الاصغر بـ ثالث ثنوي حلوه بس مو بجمال اختها اللي اكبر منها تعلمت إن كل شي عند ريناد و لا يجيها تاخذه حتى إن راحو يشترون ما تحلى بعينها القطعه الا اللي تمسكها ريناد
*عزوز* مدلع العيله بـ ثاني متوسط طلباته اوامر طبعا لانه جا بعد 3 بنات وهو اخر العنقود


=بيت ابو زيد =
ابو زيد توفى مع امه بحادث سياره و ام زيد ربت العيال هي والجد
عنده بنتين و ولد
*زيد* اللي ماسك حلال ابوه و اخواته وامه طبعا مدير عام لشركة ابوه وداخل شراكه مع خواله عشان نصيب امه..عمره 25 سنه وسيم وجذاب إلى ابعد الحدود هيبته و حضوره تفرض على اللي قدامه وجوده حذر بتصرفاته إعتماده الدايم على صديقه فيصل ولا ولد عمه معاذ,يحسهم مثل اخوانه وهو الحمل عليه كبير وثقيل تحمل المسؤليه من صغره و كلام جده كان يقويه اكثر واكثر تعود يعطي و ما ياخذ ..يتألم و مايشكي إلا إذا ضاقت به دنياه
*جنا + جنان *..توأم وهم بصف ثالث ثانوي فيهم تشابه كبير بالشكل بس اختلاف اكبر بالتعامل وطريقة التفكير / جنا اكبر من جنان بـ 3 ساعات لونها الاسمر الذهبي هو اللي يفرقها عن جنان اللي لونها ابيض لدرجة ان خدودها حمر ولا ملامحهم ما تختلف نفس العيون و نفس الطول ونفس الجسم ,, جنا شخصيتها قويه و عدوانيه و جنان مسالمه وطيبه


=بيت ابو مالك =
عنده 4 شباب و بنتين
*مالك*سافر من 4 سنوات عشان يدرس بأمريكا هندسه كيميائيا ..وطبعا رجوعه صار مستحيل لانه رافض هالشي من ورى الناس اللي تعرف عليهم هناك والسم اللي يشربه
*معاذ* هو اقرب الاولاد لأبو مالك عمره 22 حنون و طيب و يخاف الله اسمراني شويتين و يحب الضحك والهبال طبعه قريب من طبع زيد كثير رغم إن فرق العمر بينهم 3 سنوات إلا إنهم قراب حيل حيل من بعض
*جود* تدرس مع ريناد وقريبه منها حيل واسرارهم عند بعض ..تجمعهم نفس الطيبه و نفس الحركات .. عفويين حيل بتصرفاتهم وما يتصنعون الطيبه
*ندى* من عمر روند و جنا و جنان ومعهم بنفس المدرسه بس هي اقرب لجنان وجنان بعد تمون على ندى اكثر من روند واختها لان تحس فيهم شر
*مصعب* بثاني متوسط دايم قاعد بغرفته و غاطس بالكتب يقرا ولا على النت يبحث و يستكشف
* معن * صغير العيله والمشهور بحرف الثاء لان الكلام عنده مكسر ..بصف اولى ابتدائي


الباقي بنعرفهم مع الاحداث

تسلمــ ميمى توبيــك روعــة