احنا بتوع الاتوبيس

يااااا .. كل كمساري في البلد بلاش تصمم إن (الأتوبيس فاضي قدام).. هذه الجملة نسمعها كثيراً داخل الأتوبيس من حضرة الأستاذ المحترم الكمساري بيه الذي يصر دائماً، ويلح علي الركاب كي يتقدموا للأمام علي أساس أن الأتوبيس فاضي.. فاضي إزاي مش عارف؟! الأتوبيس زحمة موت، لكنه يصمم علي رأيه.. طبعاً التصميم ده يذكرني بتصميم الحكومة وإصرارها أن الساحة السياسية خالية، وأنه لا يوجد مانع لأي حد إنه يمارسها، وأن هناك ديمقراطية بس الشاطر اللي يعدي..

أصل البلد دي زي الأتوبيسات بالضبط.. في ناس بتركب الأتوبيسات الزحمة زي ٩٢٤ وأخواته.. ويفضل الكمساري يصر إنه فاضي!! وطبعاً مش مهم الناس اللي داخل الأتوبيس تموت.. تتخنق.. ملوش دعوة!! وناس تانية تركب الأتوبيس المكيف اللي مافيهوش كمساري يقطع التذاكر.. أصل التذاكر هنا يمنحها القائد بنفسه.. أقصد قائد الأتوبيس.. علي أساس أن الركاب قليلين معاه، وركاب المكيف طبعاً كل واحد واخد كرسيين لوحده!!.. صحيح الدنيا زحمة وملعبكة في الشوارع.. بس هل اللي راكب المكيف زي اللي راكب العادي؟! أكيد فيه فروق كتير..

لكن من أهم الفروق إن الأتوبيس العادي كل الناس يا عيني تفضل تجري وراه لغاية نفسها ما ينقطعه عشان تركب.. أما المكيف فتلاقيه تحت أمرك بس أنت شاور، وهو ح يقف علي طول.. فيه ناس بتطلع عينيها عشان أكل العيش.. وناس تشاور بس وكل شيء يبقي زي الفل.. علشان كده أنا أرجو من كل مسؤول في البلد -أقصد كل كمساري- بلاش تصمم إن الأتوبيس فاضي قدام.. واحذر أن يهجم أمثالي علي الأتوبيس المكيف.. وساعتها أنتم الخاسرون!!

merciiiiii kteeer nice topic thx

شكرا يا باشا

شكور جدا ع المجهود الجامد دة

وتسلم الايادى
_________

هههههههههههههههههههههههههه

موضوع جميل جداا بس يودى السجن بس كلامك صح

ههههههههههههههههههههههههه نيس توبيك

» اية احنا طيب
» احنا على راسنا بطحة ولا ايه
» ليه ياجماعه احنا كدابين
» احنا الى بنجيب الحجات دى من تحت
» رجل الذبابه الملعونه احنا فتوات الشوارع