لما الدكتور يقول
" المرض ده ما بيستناش معناه، لازم نعملو عملية فوراً"
يبقى قصده
لازم نلحق نعملك عملية، لأن لو استنينا حيزول المرض لوحده وتضيع علينا
الفرصة!!
لما الدكتور يقول
"انت محتاج تعمل شوية تحاليل"
يبقى قصده
من الآخر أنا ما عرفتش اللى عندك،يمكن اخينا بتاع المختبر يعرف وينورني!!
لما الدكتور يقول
" استعمل الدوا ده وتعال عندى بعد بكرة "
يبقى قصده
الدوا ده لا بينفع ولا بيضر، تعال بعد يومين لحد ما أكون سألت حد بيفهم!!
لما الدكتور يقول
" ايه تاريخك المرضي؟!! "
بيكون قصده
عايزاعرف أسامي الدكاترة اللي كنت بتروح عندهم، عشان أعرف انت دفيع ولا
لأ.....!!!!
ولما يقول
" اشوفك بعد عشر أيام "
يبقى قصده
عشان تدفع فيزيته جديدة، انت ما قرأتش اللى مكتوب عالكرت "المراجعة مجانية
خلال أسبوع"!!
ولما يقول
" عندي خبر مش كويس، وخبر حلو، عندك مرض خطير بس إذا ما ضيعناش وقت ممكن
نلحقو ونعالجه "
يبقى قصده
الخبر الحلو اني أخيراً حشترى عربيه مرسيدس والخبر اللى مش حلو انك انت
اللى حتدفع ثمنها!!
ولما يقول
"احنا حنتابع تطورات الحاله أسبوع كمان قبل ما نعمل أى اجراء"
يبقى قصده
الصبر طيب يمكن البلوة اللى عندك تتحول لشغلة نعرف ليهاعلاج!!
لما الدكتور يقول
"اعمل التحاليل في المركز ده أنا بثق بالنتائج عندهم"
بيكون قصدو
بيدفعولي عمولة 40% من ثمن التحاليل!!
لما الدكتور بيقول:
" أنا ححولك على أخصائي يشوف حالتك أحسن مني "
قصده:
انت صحتك زى الفل بس الراجل ده مزنوق فى قرشين وواجب ننفعه
مع احترامنا لجميع الأطباء
يارب تعجبكم
موضوع: لما الدكتور يقول............... 
الخميس أبريل 29, 2010 5:41 pm
