حلم ساعة المغربية

طول عمرى بحلم بالمحال



بالحب..بالشوق .. بالجمال



فى زمان ميعرفش يصالحنا



ودموع مينفعش تخاصمنا



ومنين نجيب الصبر



والحزن طال



ولفين واخدنا العمر



والبخت مال



وف يوم قاعد وقت الغروب .. وحالى حال



ساعة ماقرص الشمس مال



غمضت عينى.. سرحت



وف وسط حزنى سمعت



اغنية او موال



عنوانها "مال"



(مال عليا مال



نجمايا وموال





كلمنى عن بيتنا الطيب



واللقمة الحلال")



صدقونى بكيت



للحنين لحبيب يقدّر



معنى الحب .. و دفء البيت



طعم اللقمة ..لما تبـو سها



وتـغمسها ...من شفايــفها





بذرة ملح.. ونـقطة زيت



هتكون سكر ..اذا حبيت



بسمة عينه



لهفة قلبه



قلقه عليك



ان يوم رحت .. او يوم جيت



بس يا ريت....







لما تحس بأن الدنيا



بحالها . مفيهاش غيره



وانك ظابط مهجة قلبك



زهرة عمرك



فرحك.. حزنك



راحتك....تعبك



حتى مصيرك ...هوه مصيره



ما انت اسيره



عشان الدنيا ... مفيهاش غيره



قلت ياريت



بس ياريت عمرها ماكانت .........



كملوا انتوا



اصلى صحيت



على صوت تليفونى



اللى مشغله على صوت "أنغام"



لو حسيت



انك حيران



قوم لهواى افتح له ببان



ضم الهوى فى القلب الطاير



واوعى تبات ليلك حيران



ليلك حيران

شكرا على تقبل مرورى

يا ســــــــــــــــــــاره