بتصعب عليا نفسى

أهلا وسهلا بيكم أصدقائى من جديد وأتمنى ان الكل يكون بخير

الحقيقة انا جاتلى فكرة الموضوع من خلال أغنية : " بتصعب عليا نفسى "

الموضوع موش محتاج تفكير اننا نشارك ونرد بس محتاج ان فعلا اننا نجاوب

ياترى انت حبيت حد من قلبك بجد قوى اللى هو حب بمعنى الكلمة زى مابنقول ؟ وياترى كان نتيجة

حبك ده انك فى الأخر قلت " بتصعب عليا نفسي "

وعشان يبقى فى كلام يوضح الموضوع أكتر أنا هكتب كلمات الأغنية ونركز فى كل كلمة فيها :

اقتباس:

كلمات أغنية : " بتصعب عليا نفسى "

بتصعب عليا نفسى كل لما افتكرك وتعبى اللى شوفته فى بعدك كان سببه منك
حبيتك اكتر من نفسى وطلعت بقلل من نفسى مع انى حقيقى كان نفسى تفضل فى نظرى كتير
انا نفسى كل اللى سمعنى يحس بقلبى اللى وجعنى ميقولش عادى وايه يعنى بتحصل كتير

بتصعب عليا نفسى كل لما افتكرك وتعبى اللى شوفته فى بعدك كان سببه منك
النية بتبان من الاول مش لازم الفترة تطول كان لازم ابعد واكمل حياتى قبل ما اشوفه
ياريتنى سمعت كلام الناس كملت ليه وعلى اى اساس وانا طول الوقت بتلم فى كل مرة بشوفه
حبيتك اكتر من نفسى وطلعت بقلل من نفسى مع انى حقيقى كان نفسى تفضل فى نظرى كتير
انا نفسى كل اللى سمعنى يحس بقلبى اللى وجعنى ميقولش عادى وايه يعنى بتحصل كتير
بتصعب عليا نفسى كل لما افتكرك
بتصعب عليا نفسى كل لما افتكرك وتعبى اللى شوفته فى بعدك كان سببه منك

الموضوع ده فعلا للى حب بجد وحس أنه أنظلم مع اللى بيحبه وتعب معاه كتير قوى وانه أعطى ليه

ومكنش فى مقابل للتضحيات واللى عمله ليه

لو انت فعلا حسيت الأحساس ده تقدرنى تتكلم وتقول ايه اللى حصل او الموقف اللى خلاك تقول

الجملة دى يمكن يكون فعلا أحساسك صح ويمكن أحساسك كان مجرد أحساس جواك وسوء فهم

منك لموقف حصل من اللى بتحبه

- - - - - - - - - - - - - - - - - - - - - - -

الموضوع عبارة عن رؤيا وفكرة من خلال أغنية " بتصعب عليا نفسى "

الموضوع خاص فقط : بقسم الحب والرومانسيه " "

اتمنى ان الموضوع ينال رضاكم وأتمنى فى مشاركات مستمرة وفعاله من الجميع ان شاء الله

- - - - - - - - - - - - - - - - - - - - - - -

انا قابلت ناس كتير اوي

بس حب بجد مكنش غير مره واحده

وفعلا انتهت ب(بتصعب عليا نفسي)

اما عن السبب

فلاني مش بحب اقابل حد

وهوا كان عاوز مقابلات

وانا ضد المبدا دا

فعشان كدا مقدرتش اكمل واضيع مبادئي

وهوا لو كان بيحبني بجد

مكنش وقف حكايتنا عشان مقابله

انتى عند ك حق

بس ليه انتى رافضه المقابلات

مش جايز عندو حاجه عايز يقولك عليها او يبينهالك

او حتى نفسه يشوفك من قريب

انا مش معاك يالف ستار

لو عاوز يقولها حاجه يقولهالها عادى مش لازم يتقابلوا

وبعدين الحب مش بالكلام ولا بالمقابلات

دا احساس جميل بيتحس مش بيتشاف

انا برضوا ضد المقابلات

لو حبيبى سابنى عشان مقابله

يبقى انا اخترت من الاول غلط ومحتاجه اراجع حساباتى

اما بخصوص موضوع بتصعب عليا نفسى

ف انا بحس بدا دايما

مش بسبب علاقه حب لا بسبب اسباب كتيره اوى

شكرا ع الموضوع

تسلم ياقمر

[ندعوك للتسجيل في المنتدى أو التعريف بنفسك لمعاينة هذا الرابط]

انا برجح كلامك بردو

علشان فعلا هوة ده الصح

» نفسى فى .... ؟
» روى مخبى عليا اية
» أسأل نفسى دوما....(من اكون؟؟؟)!!
» نفسى اقولك ..(( عامر منيب ))
» المكسرات مابتخنش يا جدعاااااااااااااان يالهوتى عليا