Mr.Say33 ::. قـائـد إدارى .::
انا سنى : 28 مشركاتى : 4289 نوع خطى : Tahoma استايل خطى : Blod+Itlic لون خطى : Red انا : انا بشتغل : هوايتى : بلدى : مزاجى :
| موضوع: Talking الفرق بين شباب الايام دى وزمـــان ياســــلااام الجمعة أغسطس 27, 2010 1:55 pm | |
| احلـــى ســـلام وندخــــل فى الكـــــلام ********* الاول خلينـــا مع الولاد بس وبعدين ندخل فى التقيـــل فى جميع الاحوال انا مع اللى يقول ان الدماغ هى الالة الوحيدة اللى من خلالها نقدر نطور نفسينا ، ولكن ليك الحق الايام دى انك تقول انها الالة الوحيدة برضة اللى من خلالها نقدر نبوظ نفسينا ونتنيل بستين نيلة . من خلال ابحاثى الانترنتية - ويارتنى ما بحثت ، .. شوفت حاجات كتير اوى يمكن الشباب بقى بيعملها زمان - حصلها تطوير مفاجئ بما يسمى بالتأهيل السلبى ، فى ال 70 سنة الاخيرة . عندك مثلاً .. دماغ شاب مصرى قديم : 1-بنت الجيران اللى عمره ماشاف وشها ولا هيشوفه . 2- الراديون علشان يسمع عليه عب حليم وفريد وسيد درويش . 3- تذكرة او اتنين بسينما مصر ام اتنين تعريفة وعليها فوندام هدية . 4- البسكلته الجديدة قبل ما يخترعوا الاوتومبيل . 5- هشاية الدبان ، لأن كان ساعتها الدبان موضة جديدة وبتعفرت الواحد لو دبانة جت جنبه . التطوير المفاجئ واللى حصل بعد عصر الانفتاح للشاب المصرى الحديث ، وحتى الدبان مستحملش وبقى بينقرض : 1- لسعانه الشديد بالكورة . 2- ممكن يبيع ابوه ويشترى عربية . 3- المخدرات (شىء اساسى فى حياته) . 4- الفيس بوك كوسيلة ل (شقط البنات) . 5- الـــــنــســــوان (علامة مسجلة) . 6- البلاى ستيشن والدورى الاوروبى . 7- سيجارة دنهيل وولاعة زيبو (لزوم الشهيصة) . ندخل بقى عالفرق بين الولد والبنت يرحـــم ايام زمــــان الله يرحمك ياخجــــــــل البنت لما حد يسألها..إنتى مخطوبة؟زمان:- لسه ربنا مأذنش,وعينها فى الأرض ووشها يحمر.دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت
الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه. دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيىخروج الولد وموعد رجوعه البيت زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري. دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى معلش بقى الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بقى .دخول الاب البيت زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه. دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا. نزول الولد لشراء احتياجات البيت زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر! دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم, يرد ويقول تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد.:يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!! نزول المرأة للعمل زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟ طــــولت عاليكــــوا معلثى بقىده كمــــان مقولنـــاش كــل حـــاجهده المختصر المفييييد | |
|
ftafeeet ::. بــحــار مـفـتح وحـرك .::
انا سنى : 31 مشركاتى : 2812 نوع خطى : مـش محـدد استايل خطى : اتش شقاوة لون خطى : احـمــــر انا : انا بشتغل : هوايتى : بلدى : مزاجى : رسالتى : سبحان الله وبحمدة سبحان الله العظيم
| موضوع: رد: Talking الفرق بين شباب الايام دى وزمـــان ياســــلااام الأحد أغسطس 29, 2010 10:09 pm | |
| نايس توبك يسلمو الايادى
تقبل مرورى | |
|
the princess ::. بــحــار مـزاجة عـالـى .::
انا سنى : 30 مشركاتى : 4148 انا : انا بشتغل : هوايتى : بلدى : مزاجى : رسالتى : xX.....No One Like Me.....xX
| موضوع: رد: Talking الفرق بين شباب الايام دى وزمـــان ياســــلااام الثلاثاء أغسطس 31, 2010 4:05 pm | |
| هههههههههه توبيك روعة تسلم ايدك | |
|
العمدة ..:: كبير البحاريين ::.. ..:: مؤسس السفينة ::..
انا سنى : 31 مشركاتى : 1975 نوع خطى : Arial استايل خطى : Blod لون خطى : Black - Brown انا : انا بشتغل : هوايتى : بلدى : مزاجى : رسالتى : معقد وبشاكل دبان وشى
| |