توبيك رحامه ازاى ترخم على الابلودرز والمشرفين ..!!

لازم تسموا الاول
عشان ربنا يكرمنى واعرف اوصلكم المعلومه

انا فكرت نرخم على الابلودرز والمشرفين عشان ميقولوش اننا حارمينهم من حاجه

يلا نبدأ

اولا لازم تكون مجهز 7 او 8 عضويات كدا
هاقولك ليه

نبدأ بالجيمز

خلي اي ابلودر رافع مثلا لعبة حجمها 6 او 7 جيجا
وتكون حصرية ومظبطها باتشات وخارب الدنيا
وادخل اول واحد التوبيك بالسبع عضويات بتوعك
وقول ان اللعبة بايظة ومش شغالة
وتقول ياريت نبقي ناخد بالنا بعد كدا
وبكدا هاتكون الصفحة الاولي كلها راحت النار
ومحدش هايحمل حاجة وتبقي راحت ع المشرف
طبعا كدا المشرف هيشك فى نفسه وينزل اللعبه مره والتانيه ويرفعها تانى ويغير الروابط
وبرده محدش هيحملها منه
تبقى انت كدا قضيت المهمه يا معلم
هههههههههههههههههههههههههههههه
تسنتنى اما ينزل لعبه تانيه طبعا تكون انت مجهز الرد المناسب
تقول اللعبه قديمه وشايفها فى منتديات كتير وفيها عيوب وصعبه اوى ومحدش هيعرف يلعبها
يعنى تطلع فيها الكاتس الفطسانه
ههههههههههههههههههههههههههههههههههههههههههه
تخش على قسم طلبات الالعاب
تخترع اسم لعبه مش موجوده وتقوله عاوزها ضرورى
طبعا هو هيدور عليها عشان ينزلها
والاكيد انه مش هيلاقيها
تهجم انت بقى يا معلم
وتقوله فين اللعبه وانت كدا مش مهتم بطلباات الاعضاء وانت متنفعش مشرف وانا هطلبها من موقع تانى
يعنى عاوزك تمرمطه كدا
لو قالك مش لاقيها قله متعملهاش حجه انا طلبتها الاسبوع اللى فات من سايت تانى وجتلى فى ساعتها
طبعا هو هــ تييييييييييييييييييييييييييييييييييييييييت وتييييييييييييييييييييييييييييييييت
يعنى انت بدل طلبتها وجتلك جاى توجع دماغ اهلى هنا ليييييييييييييييييييييييه
تييييييييييييييييييييييييييييييييييت كمان مره
ههههههههههههههههههههههههههههههههههههه
طبعا هو يشتم وانت تضحك ومتردش

تطلب مثلا باتش للعبه زى الكوره مثلا قله عاوز باتش يخليني اغلب وخلاص
هههههههههههههههههههههههههه
هيقولك ازاى قوله عاوزه وخلاص مش دى شغلتك
تبقى انت كدا ظبطت مشرف الالعاب يا اسطى
هههههههههههههههههههههههههههههههههههه

اهجم على اللى بعده

ندخل بقي ع البرامج الحصرية
تدخل ع اي برنامج وتتكلم عن اضراره
او تقول البرنامج قديم وتحط الرابط الاصلي للبرنامج
وقوله طبعا دى مش النسخه الفينال
او تقول انه مفيرس
بس المهم انك تتكلم بأدب لاحسن حد يتضايق منك مثلا ولا حاجة
وطبعا ده في الصفحة الاولي بردو
مش هاقولكوا بقي انتوا فهمتوا اكيد
واكيد هتعمل فى قسم الطلبات نفس اللى عملته فى قسم الالعاب
ولو نزل مثلا برنامج مشاهده قنوات على النت ادخل قول مفيش حاجه بتيجى خاااااااااالص

ندخل بقي ع الافلام
تدخل تقول انتوا بتتاخروا اوي في النسخة ال dvdrip
و تحط روابط تورنت
وطبعا كدا الناس هاتلجئلها وهايفكسوا للسايت
ولو حد مش فاهم حوار التورنت فهمهوله في توبيك الفيلم عادي
خليك شخص مرح كدا
وممكن بردو تقول ان اللينكات بطيئة فحت
ولو نزلو افلام للكبار فقط لازم تفضحهم وتقول كدا حرااااااااااااااااااااام
كل دا عشان تزودو نسب المشاهده
مصيركم جهنم وبئس المصييييير
ههههههههههههههههههههههههه
طبعا لو فى حاجه فى الترجمه غلط
او لو مفيش برده
لازم تدخل تكسر الدنيا
وتقول ضحكتو علينا عشان ننزل الفيلم وتطلع الترجمه بايظه
والله ما هنزل حاجه من هنا تانى
طبعا كل الردود دى فىالصفحه الاولى يا معلم

ولو افلام قديمة
ادخل قول ماكل دا قديم ومالوش اي لازمة
تاعبين نفسيكوا ع الفاضي انتوا
محدش هاينزلها من اساسه
المفروض كل دا يتمسح
كدا تبقى انت تييييييييييييييييييييت بجد

ندخل بقي ع الاغاني
هاتدخل يا معلم وتقول حرااااااماً حراااماً حرام
كدا ربنا مش هايباركلكوا في السايت وكدا
عاوزينك تستشيخ يعني
وطبعا تقول الاغانى قديمه ومش اصليه
ومفيش جديد وكل اللى بينزل موجود من زمان فى المواقع التانيه
وفى قسم الانجلش بقي
نو كومنت

ندخل بقي ع العام
تدخل ع الترفيهي
وتقول ان التوبيكات وحشه والمفروض ان المشرف ما يوافقش عليها
ويا سلام لو توبيك ليك اتاخر
تهريه رسايل وتبعت للادارة وتقول انه مقصر

نهجم ع الخواطر بقي
ونقول مفيش قوافى والكلام بالعاميه
وانتو كدا بتبوظوا اصول الشعر
والله يرحمك يا امبر الشعراء احمد بك شوقى

ندخل بقي ع الالعاب الكتابية
تدخل تقول ايه الهبل ده
ايه نعد من واحد لخمسة دي
ايه شغل الاطفال ده
المفروض تعاملوا الاعضاء ع اد عقليتهم
انتوا كدا بتستخفوا بالاعضاء

تدخل ع غرائب
وتقول عادي يا جماعة
ايه اللي غريب في كدا يعني ؟؟!!
انا مش فاهم الصراحة

ندخل بقي ع الوثائقي
وتقول بتجيبو سيرة حياة ناس كفره
وحاجات كتير قديمه
حاجات ماليها اي لازمة يعني

ندخل بقي ع الكورة
تقول ان الاخبار كلها قديمة
وشوفناها قبل كدا ومالهاش لازمة
ممكن تتابعوا قنوات كذا وكذا احسن

ندخل بقي ع سرفر القنوات
تقول السرفر بايظ ومفيش حاجة شغالة
ولو المشرف سألك ايه نوع الريسيفر
قله دا انا موصل السلك فى الراديو
ومفيش صوره
اعمل ايه ؟؟
طبعا هو هيشتم
خليك هاااااااااادي هاااااااااااادي
او ممكن تقول
ماتتفرجوا ع اللي عاوزينه ع اليوتيوب وخلاص
او هاتوا وصلة من سيد فيشة ارخص
و ممكن تحط رابط برنامج مشغل لقنوات التلفزيون كلها بالمرة

هههههههههههههههههههههههههههههههههههههههههه
ههههههههههههههههههههههههههههههههههههه
هههههههههههههههههههههههههههههه

كدا كفايه على حبايبنا الحلوين

وربنا يدينا طولة العمر عشان نرخم اكتر واكتر

مع تحيات

كان نفسي اقول انتظروا المزيد
بس ماظنش ان هايبقي في مزيد بعد الباند ماسك
اوالطرد المباشر
ههههههههههههههههههههههههههههه

هههههههههه
نيس يا جميل تسلم ايدك

» ازاي ترخم علي بنت لدرجه الشلل يعني ؟؟؟
» اية رايكم ... توبيك شاامل لجهااازك ..
» توبيك جنـــــان ""/ مش هتقدر تبطل ضحك""/
» ازاى تحرق دم اى بنت ؟؟؟؟
» ازاى تبقى ندل