قصة (عمرو بن ثابت رضي الله عنه)

[وحدهم المديرون لديهم صلاحيات معاينة هذه الصورة]

[وحدهم المديرون لديهم صلاحيات معاينة هذه الصورة]

النهارده هقولكم على قصه جميله جدا

هيا مش طويله بس صراحه أنا لما شوفتهاعجبتني

وقولت لازم إخواتي

يعرفوا القصه دي معايا

القصه بتاعة النهارده عن راجل دخل الجنه والرسول
قال إنه من أهل الجنه

وهوا في الحقيقه لم يسجد لربنا عز وجل سجده

حاجه غريبه صح

إزاي مسجدش وهيدخل الجنه

هوا ده اللي هقولكم عليه النهارده

كان الراجل ده في عصر الرسول صلى الله عليه وسلم

لما كان المسلمين بيدعوه للإسلام ويرفض ويبعد عنهم

وفي يوم من الأيام

الرسول صلى الله عليه وسلم كان خارج في غزوة أحد

لمواجهة المشركين

وفجأه الراجل ده حس بحب للإسلام جامد جدا وحب الرسول صلى الله عليه وسلم

معايا!!

هوا مش مسلم وحبَّهم

ده لأن ربنا لما بيبقى عايز يهدي حد بيخلي الهدايه في قلبه

المهم..

فخرج الرجل ده يدور على الرسول صلى الله عليه وسلم ويسأل عنه عشان يعلن إسلامه.. فقالوا له: إن الرسول
خرج هوا وأصحابه لقتال مشركين قريش.

راح الراجل ده لغاية ماوصل لجبل أحد وشاف الرسول
ودموع الفرحه نزلت على خده وأعلن إسلامه أمام رسول الله وكان القتال بدأ

فالرسول صلى الله عليه وسلم أمره أن ياخد سيفه ويبدأ في قتال المشركين..

فدخل في وسط المسلمين وقاتل المشركين قتالا شديد لغاية ما إتصاب بضربه قاتله فوقع على الأرض وبدأ في سكرات الموت

ففي الوقت ده شافه ناس من كفار قريش

فقالوا له: ما الذي جاء بك إلى هنا!! هل جئت لأنك بتكرهه قومك ولا حب في الإسلام؟؟

فقال: حبا في الإسلام فقد آمنت بالله ورسوله

وأخذت سيفي وغدوت مع رسول الله فقاتلت حتى أصابني ما أصابني

ومافيش لحظات وكانت خرجت روحه إلى باريها سبحانه وتعالى

وإستشهد الصحابي الجليل

(عمرو بن ثابت رضي الله عنه)

فراح الصحابه رضوان الله عليهم وسألوا الرسول عن عمرو بن ثابت

فقال((إنه لمن أهل الجنه))

لاحظت وانت بتقرأ إن...!!!

1_الهدايه بإيد المولى عز وجل؟؟

وشوفنا مع بعض إزاي كانوا المسلمين بيكلموه على الإسلام

ولما ربنا أراد إنه يبقى مسلم

حط في قلبه حب الإسلام والرسول

وكمان يجاهد في سبيل الله

وكمان يموت شهيد!!

2_إن الإنسان ميفرحش بعمله لأن أفضل وأحسن

الأعمال آخر عمل

3_مافيش أي دليل في القصه بيقول إن

(عمرو بن ثابت رضي الله عنه)

أهمل أو ساب صلاه

لكنه أسلم في وقت الغزوه

وقتل قبل مايجي عليه وقت صلاه

[وحدهم المديرون لديهم صلاحيات معاينة هذه الصورة]

تسلم ايدك بجد والله بالتوفيق

» رسالة من أخ فى الله إلي اخته فى الله....
» ((لحظات وفاة النبي صلى الله عليه وسلم ولها اثر عجيب في القلب )), حول الرسول صلى الله
» الوصف الكامل لرسول الله (صلى الله عليه وسلم)
» الـطفيل بن عمرو الدوســــــــــــــــــــى
» خيل رسول الله - صلى الله عليه و على اله و صحبه و سلم