دروس ف الرخامة والرزالة والبرود ياشباب

فى التوبيك دة هنعلم الشباب الرزاله الصح

تعالوا معايا بقى كدة واحدة واحده عشان متتهوش منى

وانشاء الله معايا اللى هيتعلم وهيسمع الكلام هيبقى ارزل وابرد واحد فى
الدنيا

اول حصة :ازاى تبقى رزل فى المواصلات

لو راكب فى باص أو ميكروباص وجنبك حد نايم اوعى تسيبه نايم

كل شوية اقعد قول وصلنا عشان يصحى مخضوض لو عمل اهبل صحيه وقوله مش انت
نازل هنا بيتهيألى

لو مش نايم متسيبوش فى حاله برضه عيب عليك متجيش

ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط
زى القرد

أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك

اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد
مايقعدوك

لما الكمسرى يجى ياخد منك الاجرة اسأله على تمن كذا مكان

يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل

أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى
كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من
الملل وقوله مش قولتلك

كفاية كده بقى حرام المفروض تنزل قبل الناس ماتموت منك

أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

كدة اول حصة انتهت .. بعد كدة هتنزل كل اسبوع

وطبعا اللى عنده حاجة زياده فى الرزلة يزود ويزودنا معاه

الحصة التانيه يا شبااابــ

ازاى تبقى رزل فى الكليه

فى الكلية هتقابل صاحبك وهتقعدوا على أى كافيه

هيجى الجارسون سيب صحبك يطلب الأول وبعدين استلم الجارسون بقى واديله نصيبه

قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟

سيبه يرغى شوية وقوله انا اصلا مبحبش الكبدة فكك

حاول تطلب حاجات غريبة زى سندوتشات حلاوة طحينية على اساس انك فى سجن أبو
زعبل

أو سندوتشات بيض أو بتنجان أو لبن العصفور أمسك فى الحاجات اللى مش موجودة
كلها

المهم حاول تجيبله جفاف عقبال ماتطلب اللى انت عايزه

وأنت بتاكل بقى أتسلى على المخلل اللى مش عاجبك أرمى شوية على التربيزة
وشوية على الأرض أنت وذوقك بقى

لو معاك كاتشب مفيش مانع تكتب أول حرف من اسمك على التربيزة ترسم قلب عادى
يعنى المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى

ــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــ

فى المدرج أرشق نفسك بين أتنين متعرفهمش وابتدى الشغل بقى أتعامل على إنك
صاحبهم من قرن

يضحكوا على حاجة اضحك معاهم كده يعنى المهم تركز معاهم كأنك من بقيت أهلهم
ولا خلفوك ونسوك

أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت
عشان أفهم

لو مسكتش أنا هقول للدكتور والحركة دى رذلة ومستفزة جدا بس اشطه يعنى

وياسلام لو واحد وواحدة يبقى أنت كده جبت من الآخر

لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش
يكتب سطرين على بعض

استلم أى حد واسأله المحاضرة هتخلص امتى ؟ وكل فيمتو ثانية كده اسأله
الساعة كام اصل أنا زهقت

طبعا هو اللى زهق وطهق من الكلية وبيقول ياريتنى ماكملت تعليم وكره حياته
كلها زى باقى الضحايا

ــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــ

عايز تعمل دماغ حلوة روح على شباك شئون الطلبة المهم حاول تعمل أهبل وأنت
داخل وعايز تقف أول واحد

هيرجعوك ورا تحاول تقف مكان أى حد وترذل على كله هما أصلا بيبقوا واقفين مش
طايقين نفسهم

لو واقف تانى واحد كده مفيش مانع تزق اللى قدامك تلبسه فى الشباك الحديد
وتقول الله ياجماعة ياللى ورا متزقوش

ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع
بتاع شئون الطلبة خالص

لما يجى دورك بقى بيبقوا عايزين يخلصوك ويكروتوك واللى واقفين وراك فى
الطابور مستنينك تغور فى داهية بفارغ الصبر

خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش
فاهم معلش قول تانى فهمنى أعمل أيه بالظبط لحد ماتشل أكبر عدد ممكن

وبكده يبقى أنت مارست هوايتك وقضيت يوم رذل

ازاى ترزل على صحابك

لو خارج مع صحبك مشوار أو بتروحوا حتة معينة كلية أو مدرسة أو أى حاجة

أتصل بيه قوله إوعى تنزل غير لما أفوت عليك وطبعا هو مش هيشوف وشك
يرن عليك نفض يتصل بيك نفض سيبه لحد مايطق وينزل لوحده
طبعا أنت عارف الأوقات اللى بينام فيها ولو من النوع اللى بينام بعد الكلية
كلمه على تليفون البيت
وقول للى يرد عليك يصحوه ضرورى وهما احتمال كبير مش هيكونوا سايبلنه عدة
تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى
معاه ورذل عليه
واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر
يزعله جدا
حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى
الاخر قوله بهزر
المهم أفضل أستفزه لحد ماتطير النوم من عينه
لو صحبك بيتكلم فى التليفون حاطط السماعة على ودن وأستلم أنت بقى الودن
التانية الفاضية
خليه يحس إنه واقف فى مولد مش عارف الكلام جى منين بالظبط
دبس صحبك فى كل حاجة مثلا فى مواصلات أو فى كافيه أو فى سينما
أدخل سنترال إتكلم وقوله معاك فكة أصل معييش غير مجمد قال يعنى معاك ورقة
بمليون جنيه
أو قوله نسيت المحفظة فى البيت أو الفلوس ضاعت ولا إتسرقت أو متخانق مع
باباك ومدكش فلوس
خليه مش فاضل غير بعد كده ياخد مصروف ليه وليك
لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك
قوله إحنا بنذاكر
وأول ما حد يتصل قولهم لا والله هو تحت مش عندى وقوله يعنى أنت عايزنى أكدب
قال يعنى الإيمان مقطع بعضه وصادق فى كله جت على دى
لو لسه مخلصين إمتحانات الشهر فى المدرسة أو إمتحانات الميد تيرم فى الكلية
ودرجات صحبك وحشة
قوله أنا لازم أجى أذاكر معاك النهارده وطبعا هتشوف باباه ولا مامته
وهيسألوك عن المذاكرة وكده
قولها والله إحنا بنذاكر بس مش عارف هو جاب درجات وحشة وسيحله بقى خليهم
يستلموه
ويكبسوا على نفسه طول السنة
ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى
وطردكوا
يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب
اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن
المحاضرة
خارج أنت من البيت بقى وبتستأذن باباه أو مامته بيقولوك ماتخليك ياحبيبى
تتغدى معانا قولهم شكرا
صحيح يابنى أنت عملت شيت مادة كذا وطبعا أنت متأكد إنه لا عمله ولا جه
ناحيته
الباشا بقى فى نص هدومه وهيرد باباه ولا مامته لا طبعا ويعمل ليه هو فاضى
للحاجات دى
والأهل مش بيتفاهموا فى حكاية الدراسة دى بالذات يعنى أقلبها نكد على صحبك
قبل ماتمشى
خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق
لحد مايجيب آخره
لو هو مفتح شوية وواخد باله يبقى على نفسه برضه قوله ورينى الموبايل بتاعك
كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك فى
المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته يبقى يجى بتاكسى
ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين
لو شوفته واقف مع واحدة طب عليه زى القضى المستعجل وخده بالحضن ودخل نفسك
فى الكلام وخلاص
ولو فاكر موقف محرج كده عن صاحبك ده مفيش مانع تقوله قدامها يعنى مثلا لو
صحبك ده حاول
قبل كده يتكلم مع بنت وأحرجته قوله يا أخى كل ما أشوفك واقف مع بنت زى
دلوقتى كده
أفتكر البنت اللى قالتلك لم نفسك ياروح أمك طبعا هو هيبقى واقف بيقول يا
أرض إتشقى وأبلعينى
وما شاء الله عليك كده هتبقى بتحطه فى موقف أرذل من التانى
وهيبقى ربنا يصبره وممكن يدخل الجنة بسبب عمايلك دى
حصة رزلة جديدة

El Mobile

سيبه يمليك نص الرقم كده وروح مشغل أى نغمة هو فاكرك بتسجل الرقم أتاريك
بتلعب فى النغمات وهو بيملى عالفاضى

بص ياسيدى أنت دلوقتى ماسك موبايلك وبتلعب فيه وبتسأل أى واحد جنبك أو حد
متعرف عليه جديد رقمك كام ؟
بتاخد الرقم من حد مش معاك رقمه وتقوله قولى رقمك وأنا هحفظه عشان الموبايل
فاصل شحن
وشغل الغباء بقى كل مايقولهولك قوله غلط ومرة كده قولها صح يقولك تمام كده
قوله اشطه يعنى هو كذا كذا وقوله غلط
هيقولك يابنى حرام عليك بقى قوله معلش معلش عشان احفظه بس وسوق الاستهبال
لحد ماتحرق دمه
بتاخد الرقم من حد برضه قوله رن عليا عشان أسجل رقمك أنا حاطط الموبايل فى
جيبى بس عامله صامتومليهوله غلط بقى هيرن عليك هيلاقى اللى بيفتح عليه
ويقوله آلو وقوله معلش معلش مليتهولك غلط قال يعنى حد بيتلخبط فى رقمه
طريقة أضمن بقى قعد أخوك الصغير بموبايلك وقوله أنا خارج وأول ماتسمع صوت
الموبايل أتكى على الزرار ده
الزرار الأخضر ده ؟ أيوة ياحبيبى الزرار ألأخضر ده وأقول آلو ؟ برافو عليك
تعجبنى نصاحتك قول اللى أنت عايزه
وأطلع بقى يامعلم خد نمر ناس على قد ماتقدر أخوك يرد وأنت تقوله آآآخ نسيت
الموبايل فى البيت وخليه يشيل بقى
كل ماتتفق مع حد على ميعاد قوله أبقى رن عليا قبلها بنص ساعة عشان لو نسيت
بس وأستناه فى الموعد المرتقب
وأول ماتلمح اسمه رد علطول هيقولك بتفتح ليه ؟ قوله فاكرك بتتصل عشان غيرت
الميعاد أو مش جاى قولت أطمن
بقى بذمتك قولت أطمن ولا قولت أرذل ماشى ماشى ماعلينا
قول لصحبك هات الموبايل بتاعك هعمل منه دقيقة هيقولك والله ممعيش غيرها برن
بيها قوله ياعم دى مسألة حياه أو موت
وخد الموبايل بقى أتصل بمامتك أيوة ياماما عاملة أيه ياحبيبتى ؟ أنتى عاملة
أيه على الغدا النهارده ؟محشى الله بموت فيه طب وأيه تانى ياماما ياماما
ياماما عفوا لقد نفذ رصيدكم
لو صحبك معاه كريديت كتير بقى أبقى خلى مامتك تحكيلك عملت المحشى ازاى
صحبك بيتصل بس اتأكد انه بيتصل عشان حاجة مهمة عشان ميقفلش السكة فى وشك
وكل شوية قوله خليك معايا كده
أنت رجعت من الشغل يا بابا ؟ طب ماهو من ساعة مانت اتولدت وهو بيرجع من
الشغل فى الوقت ده أيه الجديد
أرجع لصحبك بقى أيوة معاك طب أستنى أستنى أيه الصوت ده ياماما أنتى فى
المطبخ ؟ ماهى طول عمرها بتحضر الغدا فى الوقت ده
طبعا الله يكون فى عون صاحبك اللى مش عارف ياخد منك كلمتين على بعض
قول لصحبك حلوة أوى الرسالة دى هنقلها بس طويلة أوى طبعا كلنا فاهمين أنت
بتلمح لأيه يارذل(هو عشان يطلع ذوق معاك هيقولك خلاص ياسيدى أبعت اللى
عاجباك دى (واحدة بس
طبعا فهمتوا قصدى من اللى بين القوسين أبعت بقى الرسايل كلها حتى لو فيها
كلمنى شكرا
وقوله بصراحة كله عجبنى بس ياخسارة الرصيد خلص كان ناقص واحدة نفسى أخدها
أستلم رقم ابعتله كل يوم التلاتة بتوع كلمنى شكرا ورن عليه كل فيمتو ثانية
مرة يتصل بيك أفتح ومتتكلمش ولا كلمة
آلو آلو آلو رد ياحيوان وأنت باصص فى السما وعامل أهبل خليك كده بقى لحد
مايغير الخط أو يبطل يشيل موبايلات
بتبقى اسمها بالعربى ملاحظات ده فى نوكيا(notes)معاك موبايل فيه بلوتوث
وقاعد فى مدرج الكلية أو سينما وكده أفتح الـ
أكتب فيها - فكك منى - وأبعتها لكل اللى فاتحين طبعا أى حد هيستلمها هيقول
أيه الرذل ده أنا يعنى كنت طلبت من خلقته حاجة
قول لصحبك معرفش يا أخى الموبايل بتاعى ماله هيقولك أيه يعنى فيه أيه ؟
قوله رن عليا كده هيرن عليك
أتكى على أى زرار فى الموبايل هيقوم فاتح عليه قوله شوفت بتكى على أى زرار
يقوم الموبايل فاتح على اللى بيرن زيك كده
(any key answer) طبعا أنت مشغل خدمة
اللى هى خدمة أى زرار يرد على اللى بيتصل بيك وخليته يشيل المكالمة
قول لصحبك حولى جنيه رصيد عشان أرن بيه بدل مانا مفلس يعنى يرضيك كده ولا
هتستخسر فيا جنيه
هيقولك لا مش هستخسر بس ازاى ؟ قوله تمام قولتلى ازاى تحولى ستة جنيه ولما
يوصلوا أحولك أنا خمسة جنيه
هيقولك ماشى حول بقى يامعلم ولما تيجى تردهمله هيقولك مينفعش تحول رصيد
وأنت رصيدك أقل من سبعة جنيه
وخليه يشيل الستة جنيه بحالهم والطريقة دى هدية منى ليكم

ازاى ترخم على اصحابك البنات فى الجامعه:

اعد مع اصحابك فى الجامعه بنات على ولاد بئه اعود ائول كلام ائلش جدا جدا
البنت تقولك بس بطل رخامه تقولها ايه ده هوه انا رخم؟؟تقولك جداااا
...قولها رخم ولا جدا اركزى على حل ...تقولك قديمه ...قولها لا انا موليد
سنه 90...تقولك انت رخم جدا ...قولها مينفعش اجابتين فى اجابه واحده على
فكره...تقولك يووه انا هحرم اعود معاك تانى...قولها لا يابنتى انا مش كرسى
انا طالب جامعى .....تقولك خلاص بجد جبت اخرى منك ....قولها ليه انتى حاسه
انك اطول منى ....تقول اوف ياربى ...قولها اسمها ياربى ارحمنى مش اوف ياربى
اتعلموها بئه ...تقولك خلاص ياعم المثقف...تقولها وكمان بتتلغبطى فى اسمى
....تقولك يخربيت اليوم ال اعد فيه معاك تقوم ايما وتبدا تمشى ...تقولها
يابنتى خلاص اعودى بس اعودى....تيجى هيه تعود تانى ....تقولها ولا اقولك
خلاص امشى امشى ....تقوم ماشيه بجد....تناديلها باسمها مثلا يا ساره
....تقولك نعم عايز ايه...تثولها لا كنت بجرب الاسم بس...

اعد مع اصحابك البنات يامعلم واحده منهم قالتلك حماده ممكن دقيقه من موبيلك
.....قولها ايه موبيل ديه اسمها تلفون محمول...تقولك طيب ياعم هات التلفون
المحمول ....تقولها ايه ده انتى فلاحه جدا على فكره انتى مش مودرن خالص
اسمها give me the mobile.....تقولك اخلص بجد عايزه اكلم البت
صحبتى....قولها هيه اسمها بت ولا اسمها صحبتى....تقولك لا اسمها
خفه...قولها اول مره اسمع بنت اسمها خفه نيس نايم بجد....تقولك اخلص يا
حماده بجد وبطل رخامه...قولها ليه انتى شيفانى برخم؟؟؟....تقولك لا طبعا
انا اقدر اقول كده (بس من جواه متخلص يا روح ************ انت عيل رخم
جدا)....تقولها بس انتى من جواكى بتقولى انى رخم...تقولك لا والله ابدا دنا
بحبك والله....تقولها لالالا عيب انا مرتبط....تقولك زى اخويا...تقولها بس
انا اسمى فى البطاقه غير اسمك فى البطاقه ازاى اخوات...تقولك انا بعتبرك
اخويا ياعم....تقولها بس الحكومه مش ثابته الكلام ده...تؤلك يوووه خلاص مش
عايزه حاجه منك يا حماده ....تقولها خلا انتى حره على رغم انى كنت لسه هطلع
الموبيل اهوه...تقولك بجد طيب هات خلاص انا كنت بهزر...قولها بس انا مكنتش
بهزر....تقولك خلاص بئه هات بئه عشان ننجز والحق اكلم البت...قولها ليه
هيه البت هتجرى ولا ايه....تقولك لا يا خفه ....قولها اسمى وقول اسمك
....تقولك منا عارفه انجز بئه ....قولها انجز فى الونجز وتعود تضحك بغباء
....تقولك بتضحك على ايه؟؟؟....تقولها انتى مالك هوه انا الضحكت ولا
انتى....تقولك ماشى متشكره ياعم....قولها طيب فيين التيبس....تقولك تيبس
ايه ؟؟....تقولها مش بتقولى متشكرين ياعم على اساس انى جايبلك طلبات البيت
وتعود تضحك....تقولك رخمه جداا ومفيش حاجه تضحك....قولها منا عارف وتعود
تضحك....تقولك انت اهبل والله....قولها لا انا وقول اسمك....

موقف تانى من الرخامه....صحبتك تقولك يا حماده تعاله عيزاك فى حوار جامد
جدا....قولها ايه حريم؟؟؟....تقولك احترم نفسك يواد...قولها لوووول دمك
شربات ....(لو بنت مثقفه هتقولك طيب يا خفه)(لو بنت جاهله هتقولك ايه لووول
ديه؟؟؟)...قولها يعنى ساندوتش همبرجر باكاتشب معكيش فلوس اروح
اجيب...تقولك لا بس اسمع بس....تقولها يابنتى جعان جدا مش ادر...تقولك طيب
احكى الحوار بعدين اروح اجبلك اكل....قولها بتخدينى على اد عقلى يعنى اصدك
انى طفل صغير ماشى ياستى ماشى ....تقولك ياعم خلاص متزعلش ...تقوم يامعلم
مدبسه فى ساندوتش اللووول اصدى الهمبورجر بعدين تبدا تحكى الحوار
بئه....تقولك شوف يابنى ...قولها فييين؟؟؟...تقولك فين ايه...تقولها مش
بتقولى شوف؟؟؟...تقولك اصدى اسمع يعنى...قولها طيب ايه الجاب شوف فى الحوار
يعنى؟؟....تقولك طيب انا اسف خلاص....تقولها لا عادى ولا يهمك يا
عسل...تقولك ميرسى...قولها لا انا معزمتش عليكى تخدى حته عشان
بقرف....تقولك بتقرف ايه يامعفن انت دنا انضف منك....قولها امال ايه ريحت
العرق ديه؟؟....تقولك فين ديه ؟؟؟....قولها من الواد القاعد ورانا....تقولك
طيب وانا مالى ديه منوا مش منى...قولها كنت فكروا تبعك ولا حاجه...بعدين
تقولك طيب اسمع...تقولها طيب سوانى اشيل السماعه...تقولك ايه يا حماده انت
مش حاطط سمعاه اصلا....قولها طيب منا عارف...تقولك طيب بتقول هتشيل السماعه
ليه....قولها هوه انا بكلمك انتى انا بكلم حد تانى...تقولك طيب اسمع
بثه...تقولها هوه انتى شيفانى اطرشيت يابنتى منا سامع اهوه....تقولك طيب
اسمع بئه الحوار...تقولها طيب عايز بيبسى عشان احلى سوانى اروح اجيب فلوس
من البيت واجى اجيب بيبس...تقولك ياعم وعلى ايه سوانى اجبلك...قولها منز
ومشبره كمان فاهمه (وانت يامعلم حاطط رجل على رجل بئه)قولها وبسرعه عشان
تلحقى تحكى الحوار....تقوم هيه جيباها يامعلم ويالك تقولك امسك عشان متقولش
انى حرماك من حاجه....تقولها خلاص خودى يا ستى انا هروح اجيب فلوس من بتنا
عشان متزلش منك...تقولك يواد انا بهزر...قولها لا انتى اسمك وقول اسمها
....تقولك طيب اسمع بقه...تقولها انا فولتلك مليون مره انا بعرف اسمع لا
حول ولا قوه الا بالله انتى عنديك زهيمر يابنتى ولا ايه...تقولك لا معلش
اسمع...تقولها يح البيبس سخن اوى...تقولك والله صاقع ومشبر اهوه...تقولها
منا عارف بس بعمل اختبار لنفسى...تقولك طيب خلاص احكى..قولها لا انا مش
بنام دلؤتى عشان تحكيلى حتوته...تقولك لا انا اصدى على الحوار
يابنى...قولها ليه انتى ماما الحقيقيه؟؟؟....تقولك لا عادى انا بكلمك كده
يعنى عادى...قولها طيب اخلصى واحكى...تقولك بوص يا سيدى...تقولها لا مش
عايز ابوص عيب وحرام...تقولك اووووف اسمع بقه...تقولها ايه ده هوه اطرشيت
ولا ايه؟؟؟...تقولك بجد انت بدئت ترخم...تقولها لا انا بدئت اخلص
البيبس....تقولك هاها ظريف يا واد...قولها ظريف عبد الحفيظ ....تقولك
ايه؟؟؟....قولها العب ضغط واعود اضحك اضحك...تقولك مش فاهمه...قولها متركز
عشان متهيص....تقولك طيب اسمع ...قولها اصبرى طيب اولع سجاره (اذا كنت بدخن
)...تقولك لا متشربش سجاير وانا اعده بتخنق صدرى...قولها لا انا بشربها
ببوقى مش بصدرك...تقولك اصدى دخنها يعنى بيخنق صدرى...قولها ليه انت عامله
مشاكل مع الدخان ...تقولك متشربش وخلاص...قولها خلاص اروح اشرب بعيد
...تقولك اووف خلاص اشرب وانا هستحمل...قولها لا انا هشرب وانا هنا مش هشرب
وانا اعد على حجرك...تقولك اخلص بئه ياعم الخفه...تقولها يلاهوى يلاهوى
...تقولك ايه فى ايه...قولها يخربيت الحظ انا دائما خظى وحش ...تقولك فى
ايه يابنى ايه الحصل...تقولها انا دائما مكروه كده ياربى...تقولك يابنى
احكى ايه الحصل...قولها بصوت زعلان اوى مصيبه كارثه...تقولك طيب احكى ايه
الحصل...قولها بحزن جامد اوى عود الكبريت طفا وانا بولعوا....تقولك يابن
الرخمه يا بارد خديتنى...تقولها ليه انا قولتلك عو....تقولك انت رخم اوى
ليه النهرده...قولها لا النهرده الخميس مش يوم اسموا رخم...تقولك انت
البئيت رخم مش اليوم...تقولها لا انا لسه اسمى الحمد الله....وتقول
اسمك...تقولك يوووه خلاص مش حكيه الحوار...تقولها انتى كنتى عايزانى فى
حاجه اصلا؟؟؟؟؟

ايه رايكم ف التوبيك بقى
رزاله مافيش زيها
هههههههههههههههههههه
وبكدة اكون اطمنيت ع مستقبلكم انكوا هتكونوا رزلين اخرحاجة
هههههههههههههههههه

كويس والله تسلم

» حصريا دوره تعليم الفوتوشوب باللغة العربية..دروس فيديو
» تعالو ياشباب اقولكوا ترفعوا ضغط البنات ازاي
» تعالو ياشباب المنتدى جيبلكم احلى عرايس ليكم