احنا على راسنا بطحة ولا ايه

نازله من بيتي رايحه الجامعه وبعدين لقيت الجيران واقفين في الشارع بيشمشموا علي انبوبه غاز (اصل الانابيب الايام ديه شحه ومش موجوده ,طبعا ديه مشكله عالميه مش في مصر بس واحنا عرفين ان العالم عنده نقص في انابيب الغاز ومصر تطوعت مشكوره في حل المشكله وبتصدر الغاز لجارتنا الصديقه اسرائيل علشان يعرفوا يشتغلوا بذمه ...ههههه) جارتى لقت راجل واقف بحوالي 6 انابيب وبيتأمر علي الناس ويقول :
الانبوبه ب 12 جنيه والي مش عجبه يولع ...... وكمان انا مش حشيل الانبوبه لحد ,جبولي الانبوبه الفاضيه الاول علشان تخدوا المليانه
ما صدقت و قالت لابنها معاك فكه .... قالها ايوه بس انا مش حشيل الانبوبه ...... المهم راجل غلبان (عاطل) تبرع انه يشلها في مقابل اي فلوس لله.
ملحوظه : الي حصل ده عادي في بلدنا مصر ان كل حاجه ناقصه او مش موجوده بس المشكله اننا نصدر الغاز للصهاينه علشان يقتلوا بيه الفلسطينين والكارثه اننا حتي المصريين معندناش غاز يكفينا وعجبي
حسبنا الله ونعم الوكيل





















دلوقتى دى صورة او موقف يومى قابلنى
نرجع للموضوع من بدايته


احنا على راسنا بطحة ولا ايه


فيه كام سؤال بيتردد فى عقولنا كلنا ، لو حد يعرف يجاوب يقولنا


احنا ليه بنصدر الغاز لاسرائيل ؟؟؟؟

انا فى الاول قلت اكيد حكومتنا بيهمها الاقتصاد وتغاضيت عن الناحية السياسية مقابل صفقة تجارية ناجحة

بعد بحث اكتشفت ان الغاز بيصدر بسعر اقل كتير من العادى يعنى مفيش فرق بين استهلاكنا له وتصديره لاسرائيل

يبقى السؤال التانى ليه بيصدروه مع ان السعر قريب ومفيش اغراء اقتصادى

تانى رجعت وزى ماشفنا الموقف الاول فيه ازمة غاز عندنا ، يبقى ازاى عندنا ازمة غاز ونصدره لعدونا ؟؟؟؟؟؟؟


ببساطة السؤال بيقول ازاى نصدر الغاز لاسرائيل بالرغم ان مفيش ربح تجارى كبير ، لا والادهى ان عندنا ازمة غاز ؟؟؟؟

كل دا مش يخليك تتساءل هى حكومتنا اتضغط عليها ولا ايه ، ماهو دا مش كلام عاقل لاطولنا فلوس ولا غاز وكلها ازمة فى ازمة ( كل دا وانا بعيدة عن وجهة النظر السياسية التى ترفض تصديره مهما كانت الاغراءات )

ارجع واقول هو احنا على راسنا بطحة وخايفين منها
ولا اسرائيل ماسكة علينا ذله
المفروض حد يجاوب من المسئولين ومش يعتقدوا انهم اصحاب البلد يبيعوا ويشتروا فينا ؟؟؟
كفايه بيع وبيع وبيع لحد مارخصتوناااااااااا



للحديث بقيه ، سيتم تفصيل الموضوع لاحقا