وحشتينـــــــــــــــــــــــــــــــــــــي...........................

وحشتيني

صندوق وصل جوا المطار
عليه شريطة سوده
محطوط في صالة الانتظار
مكتوب عليه بيانات
الاســـم: مصري في غربته عاش ومات
الســــن: ساعة سعادة والباقي كله أهات
العنوان: مصر الأصيلة بشعبها والاهرامات
المهنـــة: عامل محني ظهره في شمس غيرك بالساعات
أحلامــه: ممنوع يحلم بعودته إلا بعد الممات
الأقــارب: ملوش غير اللي كانوا بيقبضوا الحولات
الأمانات: شوية صور على جوبات مع ذكريات

أخر كلامه قبل الممات:

نفسي أضمك وأحس انك بتضميني
بالله عليكي يا غالية أوعديني
لو مت في الغربة ما تفوتيني
ياه حاسس ببرد غريب دفيني
حاسس بريحة الموت خبيني
أنا ....ان......ان........ا
أنا في قلبي سنين ضميتك
يلا قوام جوه ترابك ضميني
وحشتيني
وحشتيني