المعاكسة واجب قومي وحق تجاه اي مزة نازلة الشارع !!!

المعاكسة واجب قومي وحق تجاه اي مزة نازلة الشارع !!!

المعاكسة واجب قومي وحق تجاه اي مزة نازلة الشارع ..

لا و ايه تاعبة نفسها ومتشيكه وحاطة ميكب ونازلة تقول للأرض اتهدي ما عليكي

قدي ... عايزين ايه من الشباب يعني ... مش لازم يشجعوا المنتج المحلي... وكمان لما البنت دي تتعاكس والشباب يقرفها في

الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في

الشارع وحاطة ميك اب قد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب

قومي ... بنربي بنات مصر ...

طب واللي ماشية لابسه محترم ولا حاطة ميك اب ولا غيره وماشية في حالها لا بتضحك ولا بتتمايع ماشية في حالها ... ...لأ بقى ما

هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة

بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها

على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده

من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها

الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان

يتربوا ويبطلوا صرمحة في الشوارع ... مش بقولك واجب قومي علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي

يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا

لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة

تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك

ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان

يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان وكمان تشيل التليفونات والموبايلات كلها وتقعد تحت السرير كمان علشان تبقى

بنت محترمة بصحيح ومحدش يشوفها خااااااالص وتدفن نفسها بالمرة...

كده بئا تضمن انها بت محترمة تماااااااام

واوعى تنسو الاستطلاع

عاوزه أعرف رأيكم

والله لو هى او اهلها خايفين عليها مش هينزلوها

الشارع با للبس الضيق زياده عن اللزوم ده

وبعددين فى بنات بيلبسوا كده

علشان عاوزين يستعاكسوا ودى حاجه انا لاحظتها

كتير جدا

وعيبها ايه يعنى اما تلبس لبس محترم

وشكرا وجزاكم الله خيرا على حسن الاستماع والانصاااااات

كان معكم

المعلق الفنى

مستر/سيكو الحزين

من/ملاعب كفر الدبوسى الخضراء

ههههههههههههههههههههه

ههههههههههههههههههه
منور التوبيك يا مستر سايكو انت وملاعب كفر الدبوسى الخضراء
هههههه

هههههههههههههه

اتريقى اوى اتريقى

ههههههه
انا اقدر

لاء ماهو باين انك مبتتريقيشى خالص

جااااااااااااااااااااااااامد

؟ظ؟؟؟ظظ؟ظ؟ظ؟ظ؟ظ

» سورى يا بنات مصر .......المعاكسة واجب قومى...........لازم نربيكم
» ليه الشباب بيمشوا ورا البنات فى الشارع
» الندالة واجب
» المعاكسة وااااااااااااجب قومى ولا بد منه
» المعاكسة حسب المهن.. شلة بنات وشباب كووووووول