الاباجورا حرام

بسم الله الرحمن الرحيم
السلام عليكم ورحمة الله وبركاته

التواقيع والصور الرمزية !!
شئ مش بناخد بالنا منه بنعملة تعديل مرة واحدة وبنسيبة
واحنا اعدين مرتاحين ومتاجاهلين تماما انك بمثابة انك بتربى تعبان فى بيتك
وعمال يكبر يكبر لحد ما هيلف حواليك ويخنقك ويكسر عضمك وبيث سمومة فى عروقك
وبعدين يبلعك وانت عايش .. !

اسف على بشاعة التعبير لكن هل تعلم ان الحقيقة ابشع!!

تعرف ان توقيعك وصورتك الرمزية ممكن يكون
- سبب دخولك جهنم ؟
- سبب فى جبال الجبال من السيئات يوم القيامة ؟
- سيئات جارية طول حياتك وبعد مماتك واثناء وجودك فى قبرك وحتى يوم القيامة

وممكن تكون العكس بردة
- سبب دخولك الجنة
- جبال من الحسنات
- حسنات جارية طول حياتك وبعد مماتك واثناء وجودك فى قبرك وحتى يوم القيامة

يا جماعة التوقيع والصورة الرمزية
دى مش مجرد صورة بنحطها ولا مجرد كلمتين بنكتبهم

الحوار اكبر من كدا بكتيييييير جدا
يا جماعة ياما عملنا عشرات المواضيع

بنحذر فية من خطورة " الذنوب الجارية "
وبنعرف فية عظــــــمة " الحسنات الجارية "

طيب يعنى اية ذنوب جارية ؟
هى ذنوب بتفضل شغاالة وجارية طول ما انت عايش
وحتى بعد ما تموت واثناء وجودك فى قبرك لحد يوم الدين

والحسنات نفس التعريف

اية علاقتنا بالذنوب الجارية ؟
لما بتحط صور او توقيع فية صورة بنت او صورة
لواحد بيحضن واحد او اى حاجة من الحاجات المخالفة للأوامر
الله .. او فى توقيعك كتبت كلمات من اغنية معينة او لنك
لموقع اغانى او لنك لفيلم ..
كل واحد بيشوف او يقرأ او انت تكون سبب فى معرفتة
او سماع او حتى فكرة فى التوقيع سيئة بتاخد ذنوبة

ازاى بس يا اكسلانس الكلام دا ؟؟؟
(لو حاطط لنك اغنية)
يعنى بكل واحد يسمع الاغنية هتاخد ذنوب
لو نزلها وبعتها لواحد صاحبة (هتاخد ذنوب الاتنين)
وصحبة بعتها لاتنين والاتنين كل واحد بعتها لخمسة وهكذا
كل دا فى ميزان سيئاتك سيئات جارية

لو واحد مكانش فية فى دماغة فكرة انة يحط فى توقيعة
اغنية يروح حاطت فى توقيعة سواء فى منتدى تانى او فى نفس المنتدى (وواخد الفكرة منك) اغنية
كووووول اللى هيسمعها ويبعتها وينشرها فى ميزان سيئاتك

والصور نفس الحوار والكلمات بتاعة الاغانى وغيرها

ثم ان كل فاحشة او ذنب عملة حد من للى شافوا
او سمعوا او وصلهم الشئ الحرام(ايا كان بئى صور اغنية فيلم ..)
عن طريقك بتاخد انت ذنبة

مثال : واحد شاف صورتك الرمزية فأتحركت شهوتة
وكانت مدخل للشيطان انه يحرك فيه افكار سيئة
وارتكب ذنب (زنا-عادة سرية-...) بسبب انة شاف الشئ الحرام دا (صورة .. فيلم ..اغنية)

شوف بئى يبقى انت وهى اعدين فى البيت مبتعملوش حاجة
وذنبكم اكبر من ذنوب اللى بيشربوا خمرة والزناه
وكمان ذنوب جااااارية وشغااااالة !!

طب واحد حلو او اخت محترمة تقولى
انا حاطة صورة بنت محترمة مش باين منها لا الفخد ولا فتحة
الصدر ولا اى حاجة عيب
(اعذرونى بئى فى الالفاظ)

يا جماعة المرأة عوووورة
جميعا الجسم (الشعر الدراعات الرجلين وكل الحاجات الملط
اللى بتبقى فى صور البنات دى )

هعمل حاجة وربنا يسامحنى معملتها قبل كدا
بس قولت ربنا يقدرنا وتبقى سبب فى توصيل المعلومة ليكم
هجيب شوية صور رمزية واشرحلكم عليها !!

دى عينة من مجموعة الصور الرمزية للبنات الكوول
(ودى تعتبر مجموعة محترمة محتشمة)

الاباجورا حرام 3297p110271

اللى متظلل علية بالاحمر >> دا عورة وبتاخد ذنوب عليه
واللى مكتوب عليه فتنة (كلهم) >> دا حتى لو مفيهوش عورة ظاهرة
بيبقى فتنة للشباب والبنات ودا بتاخد عليه ذنوب

...

فاصل وترجع لبعض تانى ...

لو كتبت فى توقيع كلمة
" سبحان الله وبحمده "
بـس
كلمة بسيطة نطقها خفيف وبسيط

تيجي بكل واحد قراها او خد فكرتها منك وكتبها فى توقيعه
ووواحد تانى اخدها وهكذا ..

تيجي وانت اعد باشا ذنوب جارية شغاله

" لو كتبت ايه واحده من القران الكريم "
الحرف من القران بعشرة حسنات

حسنات جارية بردة بنفس النظام

لو حطيت لنك لموقع قران
يكون سبب فى ان واحد يسمع القران ويحبه
ويحفظة ويقراه

شوووف كل دا فى ميزان حسناتك !!

سبحان الله

..

اية الاستفادة العايدة عليك من
الصورة الرمزية او التوقيع بتاع البنت الجميلة الفاتنه دى ؟

لو عرفت الاجابة اتصل على 090099999

1- عايزه تعرفى الاعضاء انك جميلة ؟
2- عايز تظهر (تظهرى) للجنس الاخر انك رقيقة ومرهفة المشاعر ؟
3- عايز تظهر(تظهرى) ادام الجنس الاخر انك رومانسى وحساس او انك حزين ومجروح ؟؟

متزعلوش منى دا يستاهل انكم تتعذبوا بسببه ؟؟ الاباجورا حرام Smile

طب اية الضرر ؟؟
الضرر كمية الذنووووووب الهاااااائلة اللى شغالة مستمرة
فى صحيفة سيئاتك

جبال جباااال من السيئات يوم القيامة

وتبقى فى قبرك
بالعذاب اللى انت فية وباب جهنم اللى مفتوح
ادامك والثعبان اللى بيعذبك والظلمة بتاعة القبر
والراجل اللى معاك ابو ريحة كريهه وشكل وحش جدا جدا ومرعب
وانت تقولة انت مين انت مين يقولك انا عملك السئ وذنوبك

الملائكة منكر ونكير لونهم اسود وازرق وشكلهم مرعب
وبيسألوك وانت مش عارف

انواع العذاب من كل ناحية جايالك وانت لا حول ليك ولا قوة
اعد وسط التراب اهلك مشيوا واحبابك سابوك

القبر ضلمة والعذاب من كل اتجاه جايلك

وانت تبقى فى عرض حد يدعيلك دعوة
فى عرض حسنة واحده بس

فى عرض ترجع الدنيا ثانية واحدة بس
تسجد لله سجدة او تسبح لله تسبيحة

وانت ياعيني ذنوبك لسة شغالة بسبب اية؟ !!

بسبب انك عايز تورى للناس انك رومانسى
او تورى للشباب انك رقيقة وجميلة!!

اى حسرة ساعتها ؟؟؟
اى ندم ساعتها ؟؟

تخيل نفسك فى الموقف دا كدا ؟

تقدر توصف مدى حسرتك وندمك ؟

...

ياترى دلوقتى لسة هترد وتقولى شكرا وانت توقيعك
وصورتك الرمزية مخالفه للدين وذنوبك جارية؟؟

يسلمو ع المعلومات

» هل الحب حرام أم حلال؟
» لباس أهل النار.....حرام وسحت
» > هل تسأل لماذا الاغانى حرام ؟
» اتخقت منك ياولية حرام عليكى بقى
» هل يجوز الحج من امال تم اكتسابها من دخل حرام