Mr.Say33
::. قـائـد إدارى .::
انا سنى : 28
مشركاتى : 4289
نوع خطى : Tahoma
استايل خطى : Blod+Itlic
لون خطى : Red
انا : 
انا بشتغل : 
هوايتى : 
بلدى : 
مزاجى : 
 |  موضوع: عندى سؤال محرج للى هنا وبجد محتاجه اجابه عليه؟  الأحد أغسطس 08, 2010 6:55 am | |
| طاب مسائكم اخوانى / اخواتى فى الله
لما الواحد فينا بيكون غايب عنه حد بيحبه
وبقاله كام شهر مستنيه يجى
بفارغ الصبر ..عمال يفكر ..هقابله فى المطار ..وهجهز كل حاجه علشانه ..ده
من اعز الناس عليا..هو انا ضامن اشوفه تانى ..!!
ولما يكون المنتخب عنده ماتش مهم (مع ملاوى مثلا) بيجهز من قبليها بشهر ..ويعمل معسكرات فى المانيا وفرنسا وموزمبيق ....الخ
سؤالنا يا جماعه هو ...ماذا اعددنا لرمضان؟؟؟؟؟؟؟؟؟؟؟
يمكن ناس كتيير هتقول احنا فين ورمضان فيييييين؟!!
فيه موقف كان بيحكيه احد الاخوة كالتالى :
كنت خارج من يومين من المسجد
بعد صلاه الفجرفقابلت جماعه زمايلى فسالتهم جايين منين ؟قالوا كنا ساهرنين
مع بعض بنتفرج على فلمين ونلعب بلاى استيشن ..طب وقيام الليل يا رجاله
؟؟طيب صليتوا الفجر ؟؟طبعا لا..قالولى احنا رايحين نلعب كوره ..تيجى
معانا..قولتلهم انا صايم مش هقدر ..فواحد قالى :يانهار انت صايم ليه ..؟؟هو
رمضان لحق جه واحنا منعرفش ولا ايه؟؟المهم الرجاله لعبوا وناموا وضيعوا
حتى صلاه الجمعه..!!!ولا حول ولا قوه الا بالله..
يا جماعه
لو اللعيب مسخنش قبل ما ينزل الملعب بيجيلوا شد فى اول خمس دقايق..اذا كان
ده حالنا قبل رمضان ..!ليه بنستغرب ان احنا مش بنقدر نكمل رمضان بنفس الروح
العزيمه اللى الكل بيبدا بيها اول الشهر..؟؟
استعدينا ازاى لرمضان؟؟
ان عارف ان الاجابه محرجه جدااااااااااااااااااااااااااااااااا عند معظم الناس الا من رحم ربى...خاصه لما نقرا فى سير الصحابه والسلف
ونشوف هما كانوا بيجهزوا ازاى للشهر العظيم ده
وقد ايه فعلا كان صدقهم مع الله فكان ربنا بيقويهم ويباركلهم فى شهر رمضان..
الواحد بيبقى هاين عليه يعمل اي حاجه فى نفسه علشان تبطل الاستهتار والتهاون والغفله اللى احنا عايشين فيها..!!
لما نيجى
نشوف اهل الباطل بيستعدوا ازاى للشهر من قبلها بشهوووور بالافلام
والمسلسلات والفوازير وبرامج المسابقات وكل حاجه عايزين يلهوا بيها الناس
عن طاعه الله ..
المفروض ننكسف من نفسنا شويه ...هنقول ايه لربنا؟؟؟؟؟؟؟؟
يا جماعه الناس اللى عليهم
امتحانات..قد ايه عمالين يذاكروا ويدعوا...وفى ناس والله مش بتنام غير
ساعتين ولا تلاته..ده كله علشان امتحان دنيوى لو الواحد رسب فيه لا قدر
الله حتى مش فارقه معاه..
انما لما يكون الواحد داخل على
شهر رمضان ..يبقى لازم يفووووووق..لازم يصحى من النوم اللى هو راقد فيه طول
السنه ..رمضان ده اخطر شهر فى السنه كلها وكلنا عارفين الاحاديث التى
بتوضح كده ..
فرصه لا تعوض..مين فينا ضامن يعيش لرمضان السنه الجايه ..مين فينا يضمن عمره ولو للحظه جايه.؟؟
احنا داخلين باذن الله على اكبر نفحه من نفحات ربنا فى السنه ..
ولما الرسول يدعى بالخسران على اللى يطلع من رمضان وهو لم يغفر له يبقى عايز ايه تانى من الدنيا !!
باذن الله مبقاش اقل من 10 ايام
على رمضان ..عايزين الناس تشد حيلها فى الايام دى ..عايزين الناس تحس
بخطوره الشهر ..عايزين الناس تعرف ان الثانيه فى رمضان من دهب..بل اغلى
والله..
يلا نشد حيلنا ونبدا جدول عملى من دلوقتى نستعد بيه لأعظم شهر..
أسأل الله ان يبلغنى واياكم الشهر الكريم..
اللهم امين.. | |
|
ftafeeet
::. بــحــار مـفـتح وحـرك .::
انا سنى : 31
مشركاتى : 2812
نوع خطى : مـش محـدد
استايل خطى : اتش شقاوة
لون خطى : احـمــــر
انا :
انا بشتغل : 
هوايتى :
بلدى :
مزاجى : 
رسالتى : سبحان الله وبحمدة سبحان الله العظيم
| | موضوع: رد: عندى سؤال محرج للى هنا وبجد محتاجه اجابه عليه؟ الإثنين أغسطس 23, 2010 1:10 pm | |
| نايس توبيك
يسلمو الايادى
تقبل مرورى | |
|
