زمان ... و الله يرحم أيام زمان ... كانت الموضة كده في الخمسينات و
الستينات
ان الراجل من دول يلبس بنطلون يدفي صدره ... البنطلوب لحد صدره
و حتي
كنتو تشوفو كمان الحزام طابق علي نفسه ! و ممكن ما يحتاجش يلبس
كرافتة
بقالي مدة ما بتفرجش علي التليفزيون نهائي ... برغم وجود
اكتر من 400 قناة
امبارح ... و في نهاية الاسبوع قلت اما اقلب شوية في
القنوات ...
لقيت معظم القنوات اغاني ووش ووجع دماغ ... جالي صداع و كنت
هقفل التليفزيون
لكن ايدي جت بالصدفة علي روتانا زمان ... فقلت اتفرج
... هوا انا ليه كل ما ييجي ادامي
فيلم قديم اقلب و اشوف حاجة تانية ؟
اجرب اتفرج ....
و بعد خمس دقايق بالظبط كنت ميتة
م الضحك ...
طريقة كلام محترمة جدا ... و كلام كتير كانوا في الافلام القديمة تلقائي
بيقولوه بالفصحي
و كانت دارجة جدا زمان .... طريقة لبس و هدوم لو حد
لبسها دلوقتي هيضحكوا عليه
لفت انتباهي اوي البنطلون اللي بيترفع لحد
الصدر ده ههههههههههه تحفة
المهم سرحت كده بفكري ... و قعدت ابص
للبنطلون ده و تطوره عبر التاريخ المصري
من التلاتينات و الاربعينات و
حتي التاريخ الحديث المعاصر ( الله يقطعه )
حسيت ان التطور الطبيعي
للحاجة الساقعة .... قصدي للبنطلون ماشي في اتجاه معين
و هوا اتجاه
القلع ! كل ما تتزنق اقلع ... في قناعة معينة في دماغ الشباب
ان كل ما
نقلع هدومنا و نتعري ... كل ما نبقا عالم صايعة متحضرة روشة مواكبين العصر
و
مقلدين مجانين الغرب تمام .... لدرجة لما سرحت بخيالي قعدت اضحك
و
اشوف تطور و تاريخ البنطلون المصري المعاصر ... لاقيت انه وصل لمرحة واطية
اوي ( اسف )
عمال ينزل ينزل ينزل ينزل ... لحد ما البوكسر بقا موضه انه
يبان !!
يعني الشاب من دول عشان ينزل يشتريله طقم يخرج بيه
بيشتري
و بيهتم بالبوكسر الاول ... ليه بقا؟ لان هوا اللي هيبان ...
البنطلون
ده بقا شئ ثانوي مش مهم شكله ولا لونه ,.,, ده حتي بيبقا مجرجر ع الارض و
معفن ولا ليه لازمة
ــــــــــــــــــــــــــــــــــ
المهم
اللي طلعت بيه ... ان الحضارة و التمدن في نظرهم ... ان البوكسر يبان
ان
اللحم يبان ... اننا نقلع هدومنا ... الحضارة و الحداثة و المصطلحات
الضخمة دي
صفصفت علي حكمة مهمة جدا لازم تلتزم بيها في حياتك
و
ياريت تعمل بيها
كل ما تتزنق اقلع